影片
更多
2020-06-27
2796 瀏覽
星期六去咗駱駝漆探索一下，記得朋友高度推介一間叫「慢煮屋」嘅餐廳，話好好食喎。既然一場嚟到，我哋就一於試下😉。我哋下午三點鐘左右去到，都要等下位，不過都係十分鐘到。大家留意番其實店員會喺門口派飛俾我哋的，唔洗衝入去騷擾人哋。我明店員唔多，樓面落單收錢好忙，但如果可以望多幾眼門口有無人會好啲，因為食客喺出面確係有啲迷惘。加上如果遇著啲無賴打尖嘅人，就會有不愉快情況發生😔。餐廳主打慢煮，食物選擇唔算特別多，主要係幾款肉類魚類再配飯、冷蕎麥面或湯蕎麥面。價錢平均$8x，係可接受水平，唔收加一服務費👍。慢煮三文魚配牛油果丼($82)，凡惠顧丼飯，就跟配是日餐湯，即係麵豉湯🥣。丼飯份量適中，賣相吸引。丼飯嘅餸其實唔止炙燒三文魚粒同牛油果粒🥑，另外仲有溫泉蛋一隻、火龍果粒、蕃茄粒、蟹籽同青瓜絲。成個組合撈埋食係幾正，但我略嫌個飯濕咗啲。慢煮火炙牛腹扒蕎麥冷麵($88)(配真。鵝肝)($20)，牛肉同蕎麥麵係分開上的，另外仲搭多隻溫泉蛋🥚。麵條比較粗身，配埋冷麵醬汁食，唔錯。牛腹扒🥩份量超多，雖然每片唔算厚，但起碼有成十塊，一啲都唔孤寒；味道亦都幾好，肉質同肉味都OK，不過面頭嘅調味就重咗啲。我額外
星期六去咗駱駝漆探索一下，記得朋友高度推介一間叫「慢煮屋」嘅餐廳，話好好食喎。既然一場嚟到，我哋就一於試下😉。
我哋下午三點鐘左右去到，都要等下位，不過都係十分鐘到。大家留意番其實店員會喺門口派飛俾我哋的，唔洗衝入去騷擾人哋。我明店員唔多，樓面落單收錢好忙，但如果可以望多幾眼門口有無人會好啲，因為食客喺出面確係有啲迷惘。加上如果遇著啲無賴打尖嘅人，就會有不愉快情況發生😔。
餐廳主打慢煮，食物選擇唔算特別多，主要係幾款肉類魚類再配飯、冷蕎麥面或湯蕎麥面。價錢平均$8x，係可接受水平，唔收加一服務費👍。
慢煮三文魚配牛油果丼
$82
42 瀏覽
0 讚好
0 留言
慢煮三文魚配牛油果丼
$82
30 瀏覽
0 讚好
0 留言
慢煮火炙牛腹扒蕎麥冷麵
$88
31 瀏覽
0 讚好
0 留言
慢煮火炙牛腹扒蕎麥冷麵
$88
25 瀏覽
0 讚好
0 留言
凍蜂蜜薏米水
$28
17 瀏覽
0 讚好
0 留言
環境方面，店舖偏細，座位唔多，中間位置甚至係張豬肉枱添，坐得較迫🙈。
我食完成餐出門口先發現原來有張有相片嘅餐牌，咁樣清楚啲，有圖有真相📷。
題外話，餐廳應該係一所撐香港人嘅小店💛。
總括嚟講，由於我對慢煮屋有啲期望，所以出到嚟我會話佢係合乎想像中嘅好食😋。不過佢又未好味到短期內想再Encore，畢竟性價比唔高。我明白小店運作唔係咁簡單，但服務係有進步嘅空間，例如點餐紙上寫下午茶時段有得減$10，但問店員先知週末不適用呢。小店要加油啊💪！
張貼
