影片
更多
2021-11-22
1357 瀏覽
我們點解要番觀塘？因為多嘢食囉🤭觀塘返工點會冇食過哈豆嘅午餐？今次放工帶朋友去哈豆食晚餐，菜式比較豐富，而且都係同lunchtime一樣滿座，口碑真係唔錯 麻油雞湯+魚鬆魯肉飯+1人油菜($88)💕第一次食麻油雞，麻油雞要用麻油同米酒調味去煮，上枱好快已經聞到麻油香，口感比一般燉湯更加濃郁，適合冬天飲用，驅寒又滋補，好好飲🥰但一諗到飲哂成碗麻油，好似有啲邪惡。麻油雞嘅雞肉用左雞脾肉，夠哂滑👍另外套餐配嘅魯肉飯用珍珠米做，魯肉亦都煮得好夠味，食完呢個餐好滿足。 豐盛台灣牛肉湯麵($78)💕湯底係好正宗台灣牛肉麵，尤其鐘意個湯底同麵質，湯底夠哂濃味，麵質係粗麵條，軟硬適中，配料亦好多，牛肉、花枝丸、貢丸、紅蘿蔔白蘿蔔，蘿蔔都好入味。 哈豆鮮果茶($52)一個玻璃瓶裝住百香果茶加上水果粒，倒入玻璃杯慢慢品嚐，打卡都唔錯，酸酸甜甜又夠冰凍，宜家11月咁熱都仍然啱飲 團團圓圓($98)💕如果想食甜品可以試下呢個甜品套餐，團團圓圓係指台灣木柵動物園嘅兩隻熊貓，所以都係用熊貓形嘅碗黎裝一邊係花生湯，試過自己整但失敗咗，仲以為要去到台灣先有得食返，宜家香港都有啦，蕃薯圓有好香蕃薯味☺另一邊係燒仙草，
因為多嘢食囉🤭
觀塘返工點會冇食過哈豆嘅午餐？今次放工帶朋友去哈豆食晚餐，菜式比較豐富，而且都係同lunchtime一樣滿座，口碑真係唔錯
麻油雞湯+魚鬆魯肉飯+1人油菜($88)💕
第一次食麻油雞，麻油雞要用麻油同米酒調味去煮，上枱好快已經聞到麻油香，口感比一般燉湯更加濃郁，適合冬天飲用，驅寒又滋補，好好飲🥰但一諗到飲哂成碗麻油，好似有啲邪惡。麻油雞嘅雞肉用左雞脾肉，夠哂滑👍
另外套餐配嘅魯肉飯用珍珠米做，魯肉亦都煮得好夠味，食完呢個餐好滿足。
豐盛台灣牛肉湯麵($78)💕
湯底係好正宗台灣牛肉麵，尤其鐘意個湯底同麵質，湯底夠哂濃味，麵質係粗麵條，軟硬適中，配料亦好多，牛肉、花枝丸、貢丸、紅蘿蔔白蘿蔔，蘿蔔都好入味。
豐盛台灣牛肉麵
13 瀏覽
0 讚好
0 留言
哈豆鮮果茶($52)
一個玻璃瓶裝住百香果茶加上水果粒，倒入玻璃杯慢慢品嚐，打卡都唔錯，酸酸甜甜又夠冰凍，宜家11月咁熱都仍然啱飲
團團圓圓($98)💕
如果想食甜品可以試下呢個甜品套餐，團團圓圓係指台灣木柵動物園嘅兩隻熊貓，所以都係用熊貓形嘅碗黎裝
一邊係花生湯，試過自己整但失敗咗，仲以為要去到台灣先有得食返，宜家香港都有啦，蕃薯圓有好香蕃薯味☺
另一邊係燒仙草， 第一次食熱辣辣仙草原來味道都唔錯，仲有好多珍珠紅豆
仲有一碟黑松露薯片同埋幾片黑松露，睇餐牌介紹原來要用薯片夾住黑松露片，食到成個口都係黑松露🤭
團團圓圓
$98
4 瀏覽
0 讚好
0 留言
張貼
