影片
更多
2007-06-24
4 瀏覽
今日我地一班舊街坊趁weekend聚聚舊，專誠走去新場MegaBox德興食晚飯．點知食落一肚氣．．． 罪行1：我地一早訂左位，最後都要等45分鐘先俾到枱． 罪行2：我地一埋位，枱面只得一個$1,666十二人餐的餐牌，要三催四請叫waiter，先慢慢拎個小菜menu，由於我地人多，我叫個侍應拎多一本menu，佢居然好醒咁話：你地咪有一本囉．．．俾佢吹漲！ 罪行3：menu的選擇實在奇少，我地打算改套餐，點知睇黎睇去得個$1,666餐，於是叫個經理來問有無其他選擇．．．佢居然答：係得呢個，D客通常來是吃火鍋，你地可以轉食火鍋．小菜係得o個幾樣，今日人多，我地由今個月7號做到而家，你地個個新屎坑（D客飯都未食，身為一個食肆經理居然咁講野，真倒米），我地無得俾你揀咁多，個個客都食呢個餐，要小菜你預左實遲出兼漏單，咁你食唔食？．．．我地一行十一人個個即刻滴晒汗，疾左佢幾句，佢都覺得自己無問題（我無錯！），好野！ 罪行4：一路食，其實唔止得我們覺得呢度D service奇差，周遭的客人都食到mama聲．最後上紅豆沙時仲搞笑．我地食餐，梗係預左一人一碗，殊不知，我地一人分得1/3碗，碗碗裝到好似俾人
罪行1：我地一早訂左位，最後都要等45分鐘先俾到枱．
罪行2：我地一埋位，枱面只得一個$1,666十二人餐的餐牌，要三催四請叫waiter，先慢慢拎個小菜menu，由於我地人多，我叫個侍應拎多一本menu，佢居然好醒咁話：你地咪有一本囉．．．俾佢吹漲！
罪行3：menu的選擇實在奇少，我地打算改套餐，點知睇黎睇去得個$1,666餐，於是叫個經理來問有無其他選擇．．．佢居然答：係得呢個，D客通常來是吃火鍋，你地可以轉食火鍋．小菜係得o個幾樣，今日人多，我地由今個月7號做到而家，你地個個新屎坑（D客飯都未食，身為一個食肆經理居然咁講野，真倒米），我地無得俾你揀咁多，個個客都食呢個餐，要小菜你預左實遲出兼漏單，咁你食唔食？．．．我地一行十一人個個即刻滴晒汗，疾左佢幾句，佢都覺得自己無問題（我無錯！），好野！
罪行4：一路食，其實唔止得我們覺得呢度D service奇差，周遭的客人都食到mama聲．最後上紅豆沙時仲搞笑．我地食餐，梗係預左一人一碗，殊不知，我地一人分得1/3碗，碗碗裝到好似俾人食淨咁，於是同分糖水的女部長講，佢又有一個絕妙答案：係咁多喎，尖沙咀o個間都係咁多，不過呢度隻碗大之嘛，你地明天請早啦．．．．
劉華呀，呢排經濟好，電視一無播你個廣告，service即係曳晒，how come？
張貼