旺泰特食 (已結業)

失驚無神話去西貢... 去到行左陣又冇打算食海鮮, 正煩惱之際, 發現遠處有間泰菜, 行到門口, 仲發現係車軚推介, 咁就一定要試下啦...坐低左, 睇下餐牌又睇下 OPENRICE 師兄推介... 大件事... 最近一個係 "喊"... 當堂突一突, 再睇清楚內容... 佢話香港食海鮮唔平又冇特別, 又將青咖哩同四川湖南麻辣比較... OH, 可以不理了...再睇睇有咩食, 2 個人只叫了兩樣食物, 再加一碗白飯泰式肉碎炒河:有點辣, 很重的九層塔味, 對於不愛好九層塔的我, 實在有點卻步, 不過奇香之下也要試試, 味道真是不錯的, 香與辣完整混合在一起, 美中不足是... 份量少了一點...麵包黃咖哩雞同樣, 份量少了一點... 雞只有 4 小件, 車厘茄 4 粒, 著仔 4 - 5 小件, 洋蔥少許及黃咖哩汁... 先用黃咖哩汁撈飯, 充滿椰香... 再試麵包, 麵包不是死硬死脆 (很多人以為法包系列就一定要脆...), 而且煙煙靭靭, 吸收左咖哩汁卻不會太膩，值得一試 !!美中不足是餐廳較焗... 食到流晒大汗啦...