惠 (已結業)

已經第四次來（惠）餐廳，反正發放咗消費券,💰💰久唔久都會同好友豪食下，（惠）一定係我首選，因為每一次廚師發辦都令我有驚喜，性價比超高，今次個OMAKASE DINNER果然冇令我失望🤗🤗我既精選系列～象拔蚌粒貝配白豉油粒貝有柚子皮青檸汁開胃之選，象拔蚌口感超爽加上白豉油微咸提升鮮味～鰹魚夠厚身魚味較重，配合埋洋蔥汁，加上輕烤過，鮮味突出～帆立貝天婦羅加海膽原來呢個配搭非常之夾，海膽鮮甜入口即溶，加上帆立貝天婦羅脆口，口感豐富～靜岡縣蜜瓜熟度及甜度啱啱好，蜜瓜嘅點綴幫呢餐dinner畫上完美嘅句號🍈🍈保持一貫水準好滿足嘅一餐，我同好友下次一定會再選擇呢度