一木小料理 (已結業)

今日約咗朋友嚟廈門街覓食，經過呢間一木小料理，舖仔細細但有超長人龍，所以決定一試！午餐套餐可以揀3款料理，配飯/沙律及飲品，價錢在灣仔區算中上啦，但食過之後覺得物有所值，難怪小店咁受歡迎啦！食咗冷盤鹽漬三文魚、野菜，同埋五花肉，三文魚好香醋味，好適合咁熱嘅天氣食，瞬間解暑而且好開胃，野菜係沙葛、雲耳配上清新沙律醬，健康之選，五花肉亦出色，肥嘅部分入口即融，瘦嘅部分亦夠腍，食落唔會太乾太柴，唔到睇每樣都係細細碟，配埋白飯嘅話都幾飽㗎，所以最後都係食唔晒🙈🙈跟餐飲品係有新鮮水果嘅薄荷茶，好有誠意😍期待下次再encore呢間一木小料理🥳