石一燒 (富多來新邨一期) (已結業)

大角咀富多來嗰邊 有間隱世燒肉店 店面唔算大 但絕對高質✨石一燒有唔同部位嘅和牛 主要嚟自岩手縣同九州各個城市例如熊本/鹿兒島/宮崎等等另外仲有好多種類嘅日本酒🇯🇵而家仲有個啤酒挑戰 只要7秒(男)或9秒(女)內飲完350ml嘅啤酒就免費請你飲🍺我哋雖然挑戰失敗 不過將挑戰過程share去社交平台杯啤酒都係送㗎😌兩個人叫set就最好 唔洗煩💭所以就揀咗極級和牛盛會之二人前🥩除咗燒肉 仲有前菜/湯/飯/甜品ꕥ 前菜三品 辣味煮蜆味道啱啱好 唔會太辣 幾惹味🌶️帶子裙邊都係帶有少少麻辣味 小甜薯好甜🥰另外沙律菜夠新鮮 超大碟 兩個人share都食剩少少🤏🏻櫻花蝦味噌湯夠鮮味 而且熱辣辣 而家天氣凍飲就啱晒ꕥ 日本九州A4和牛呢度係用熱石燒肉嘅 不得不讚個石燒爐細細個 但全程keep住猛火好夠熱👍🏻三款九州和牛分別係三角胸/上前腿肉同埋和牛肉眼 三角胸油花充足 入口爆汁 上前腿肉質地較為有彈性 肉味濃郁 我最鐘意和牛肉眼🥹超軟稔 入口有溶化感旁邊仲有洋蔥同菇都可以燒嚟食㗎🧅仲有呢度配嘅係紫菜飯 加咗少少日式醬油 勁正ꕥ 日式甜品 睇餐牌見到寫日式甜品 好期待會係咩嚟🤔結果係好有驚喜嘅綠茶雪糕