影片
更多
2018-07-01
1805 瀏覽
係銅鑼灣睇完一套感動到喊嘅電影 "當祈禱落幕時"，緊係醫肚啦！原本想去我最最最中意嘅意粉屋，但行過上海姥姥，望望門口個餐牌，d小菜又好鬼吸引喎，於是乎..... 心，就想去意粉屋，腳，就走入上海姥姥。係香港地食蔥油餅，蔥花總係少得可憐，搞到個餅完全無蔥油味，簡直失敗，所以，一直想搵一間多蔥花嘅蔥油餅餐廳，今次終於搵到，上海姥姥嘅蔥油餅雖然份量係少咗D，但蔥花同芝麻份量足夠，令到個餅有蔥香超好味！好味到再叫多一份外賣帶走，推介！西湖牛肉羹，上海雲吞雞湯，香煎素鵝，擔擔麵加排骨，前菜海蜇。上海出名嘅生煎飽，又點咗一客，試吓味道如何。雲吞雞湯湯底夠熱而且濃郁，雲吞內料足夠，素鵝入口香脆，擔擔麵麵質彈牙，湯底唔要辣，所以飲得出有d花生味，濃底夠濃郁，唔錯。排骨外脆內軟肉汁豐富，配上擔擔麵一齊食，口感味道好鬼豐富。除咗蔥油餅係驚喜，生煎飽都有驚喜，麵飽本身鬆軟，咬落去餡料肉汁豐富，正！甜品菊花蘆薈凍糕唔係太甜，食落真係令人涼快喎！心理影響？原來"當祈禱落幕時"係結局篇，之前重有二套前劇，又要係百忙中抽時間追劇。PS：正如當晚所講，感謝你一直係我最需要人陪伴嘅時候，係身體陪伴我，支持我，安慰我，開
原本想去我最最最中意嘅意粉屋，但行過上海姥姥，望望門口個餐牌，d小菜又好鬼吸引喎，於是乎..... 心，就想去意粉屋，腳，就走入上海姥姥。
係香港地食蔥油餅，蔥花總係少得可憐，搞到個餅完全無蔥油味，簡直失敗，所以，一直想搵一間多蔥花嘅蔥油餅餐廳，今次終於搵到，上海姥姥嘅蔥油餅雖然份量係少咗D，但蔥花同芝麻份量足夠，令到個餅有蔥香超好味！好味到再叫多一份外賣帶走，推介！
西湖牛肉羹，上海雲吞雞湯，香煎素鵝，擔擔麵加排骨，前菜海蜇。
上海出名嘅生煎飽，又點咗一客，試吓味道如何。
雲吞雞湯湯底夠熱而且濃郁，雲吞內料足夠，素鵝入口香脆，擔擔麵麵質彈牙，湯底唔要辣，所以飲得出有d花生味，濃底夠濃郁，唔錯。
排骨外脆內軟肉汁豐富，配上擔擔麵一齊食，口感味道好鬼豐富。
除咗蔥油餅係驚喜，生煎飽都有驚喜，麵飽本身鬆軟，咬落去餡料肉汁豐富，正！
甜品菊花蘆薈凍糕唔係太甜，食落真係令人涼快喎！心理影響？
原來"當祈禱落幕時"係結局篇，之前重有二套前劇，又要係百忙中抽時間追劇。
PS：正如當晚所講，感謝你一直係我最需要人陪伴嘅時候，係身體陪伴我，支持我，安慰我，開解我，陪我睇戲，聽我廢up，可能你覺得只係舉手之勞，但對於我黎講，係一個天大嘅幫忙，感謝你，多謝你請我食哩餐！
張貼
