影片
更多
2024-10-17
430 瀏覽
收工突然好想食米線，決定試試新開嘅潮粉。我揀咗坐bar枱，好似日本拉麵店咁，幾有feel，裏面亦都有大枱。店內整潔，通風好，環境ok。餸同粉麵嘅選擇都好多﹐最後嗌咗牛坑腩拼豬潤米線，另外加咗碟香酥雞。上菜之後先發現牛坑腩份量好多，有6大片。湯底係淡淡嘅胡椒味，唔會話濃到覺得辣個種。豬潤有驚喜，處理得好好，唔會腥，咬落係爽口。平時我食連鎖嘅過橋米線，入面啲豬潤我會skip，因為食過覺得好腥，但呢間嘅豬潤完全唔同，值得一讚。枱頭有辣椒醬同榨菜(定係菜脯?) 可以自己加。豬潤點上辣椒醬，香辣嘅味道好夾，然後再飲啖胡椒湯底，補血又暖胃。米線嘅質底比較Q，唔係一夾就碎個種。香酥雞新鮮熱辣炸出嚟，配上泰式酸辣醬，juicy又惹味。整體嚟講我會想再去食，係值得支持嘅小店。見到隔離枱嘅鯪魚球大大粒，下次想試埋
湯底係淡淡嘅胡椒味，唔會話濃到覺得辣個種。豬潤有驚喜，處理得好好，唔會腥，咬落係爽口。平時我食連鎖嘅過橋米線，入面啲豬潤我會skip，因為食過覺得好腥，但呢間嘅豬潤完全唔同，值得一讚。
枱頭有辣椒醬同榨菜(定係菜脯?) 可以自己加。豬潤點上辣椒醬，香辣嘅味道好夾，然後再飲啖胡椒湯底，補血又暖胃。米線嘅質底比較Q，唔係一夾就碎個種。
香酥雞新鮮熱辣炸出嚟，配上泰式酸辣醬，juicy又惹味。
整體嚟講我會想再去食，係值得支持嘅小店。見到隔離枱嘅鯪魚球大大粒，下次想試埋
張貼
