影片
更多
2025-01-02
329 瀏覽
今日同老公放假晏晝去紅磡行下，咁岩見到有間文青日式小店有好多唔同既日式定食料理，有好多唔同選擇，入去食下先🤓🤓老公叫咗個慢煮美國封門柳定食加配冬瓜茶🩷🩷🩷🩷🩷因為老公唔想食太多配菜，所以就淨係叫咗個定食加配菜。呢個套餐佢送咗個涼拌昆布，鹹鹹甜甜地做前菜一流。個重頭戲梗係封門柳啦，佢面上淋左啲燒汁好似kfc磨菇飯個汁再加啲胡椒味，配搭埋封門柳真係好夾。因為佢可能慢煮左個封門柳關係，所以啲牛肉食落好夠嫩滑，而且牛味好濃，完全唔嚡口。配飯一流，忍唔住將成個餐食晒，真係好有驚喜好夾。同埋跟餐加配嘅冬瓜茶都好好飲，同台灣飲到個味道一樣都係甜甜地嗰隻冬瓜茶。而我就叫咗慢煮泰式雞配泰式辣汁加配冬瓜茶🩷🩷🩷🩷🩷個泰式雞定食嚟到已經聞到香辣辣地嘅泰式辣醬味，加上個雞肉面頭燒到好焦香，食落個雞皮脆脆地，而且啲肉汁好juicy,又唔乾柴。同埋配搭上酸酸辣辣既泰式汁特別開胃。不過我就加配咗一個青蘋果紫薯球，佢食落啲青蘋果粒粒勁清新而且個紫薯味又會比蘋果味搶晒。完全係食得出紫薯同埋青蘋果嘅味道，冇諗過配搭得咁好，同埋紫薯味都好甜整落沙律都特別綿滑。不過我係轉左食蕎麥麵，佢個蕎麥麵加埋啲蕎麥麵嘅醬汁特別清新，啱晒
老公叫咗個慢煮美國封門柳定食加配冬瓜茶🩷🩷🩷🩷🩷
因為老公唔想食太多配菜，所以就淨係叫咗個定食加配菜。呢個套餐佢送咗個涼拌昆布，鹹鹹甜甜地做前菜一流。個重頭戲梗係封門柳啦，佢面上淋左啲燒汁好似kfc磨菇飯個汁再加啲胡椒味，配搭埋封門柳真係好夾。因為佢可能慢煮左個封門柳關係，所以啲牛肉食落好夠嫩滑，而且牛味好濃，完全唔嚡口。配飯一流，忍唔住將成個餐食晒，真係好有驚喜好夾。同埋跟餐加配嘅冬瓜茶都好好飲，同台灣飲到個味道一樣都係甜甜地嗰隻冬瓜茶。
而我就叫咗慢煮泰式雞配泰式辣汁加配冬瓜茶
🩷🩷🩷🩷🩷
個泰式雞定食嚟到已經聞到香辣辣地嘅泰式辣醬味，加上個雞肉面頭燒到好焦香，食落個雞皮脆脆地，而且啲肉汁好juicy,又唔乾柴。同埋配搭上酸酸辣辣既泰式汁特別開胃。不過我就加配咗一個青蘋果紫薯球，佢食落啲青蘋果粒粒勁清新而且個紫薯味又會比蘋果味搶晒。完全係食得出紫薯同埋青蘋果嘅味道，冇諗過配搭得咁好，同埋紫薯味都好甜整落沙律都特別綿滑。不過我係轉左食蕎麥麵，佢個蕎麥麵加埋啲蕎麥麵嘅醬汁特別清新，啱晒我食咁濃味嘅泰式雞，唔會太過油膩。我鍾意咁樣嘅配搭😍
同埋我再加配左炸雞 🩷🩷🩷🩷🩷
佢個炸雞真係係即叫即炸超級熱辣辣，咬落去勁多肉汁，而且配搭埋南蠻汁好好食😍
最後叫咗個蜜瓜福餅 🩷🩷🩷🩷🩷
呢個真係估唔到細細粒都好有驚喜，佢裏面嘅餡係蜜瓜醬整成個cream,外皮煙煙韌韌。想食多幾粒添。可惜太飽已經食唔落了。。估唔到呢間小店咁有驚喜，下次又有多間選擇可以揀。
張貼
