麺屋飛丸

營業中

休息中

因為最近愛上雞白湯拉麵，所以上網搵下邊度有，無意中比我發現左元朗一間意想不到既高質拉麵小店，系外面睇平平無奇，估吾到味道同拉麵質素幾高！雞白湯鹽味拉麵 $90雞白湯味道夠濃，鹽味吾會過咸，無搶左雞湯味。個人覺得呢間既拉麵幾多料，有豬肩肉叉燒、慢煮雞胸、雞肉丸、溏心蛋各一件，溏心蛋好入味，好好食！拉麵揀左適中，食落去吸收哂雞白湯精華，每條麵都好入味。鰹節鹽味清湯 $90鰹魚湯底會比雞白湯味道清一啲，揀左鹽味，個人覺得食到最後會比較咸，配料差唔多，只系一碗用紫菜，呢碗用木魚花。唐揚炸雞 $28炸雞有4件，夠脆，肉質夠嫩滑juicy。大阪風唐揚餃子 $32用大阪燒既醬汁，放系煎餃子上，餃子加左醬汁外皮仍然脆身，粟米豬肉餡，個人覺得幾好食。牛肉薯餅 $28牛肉薯餅炸得夠脆，入面個餡好creamy，仲食到有洋蔥碎。拉麵跟小食仲會送罐裝汽水。