Dear Grey

營業中

休息中

最近發現北角地鐵站附近一個隱秘既後巷, 原來都有幾多間餐廳，今日決定試一試其中一間只係日式丼飯。這家食日式井飯既餐廳，門口普普通通，鋪頭面積細，大約10張台，但係台面都吾算細既, 放左兩個飯加小食都吾會好迫。鋪頭細細, 真係得一個人做落單上菜收錢，所以係需要多少少時間等。果日食飯都8點左右，餐廳吾多人，直接就有位可以坐。兩個人叫左兩個飯，一個費城芝士牛排飯， 一個火灸橡果黑毛豬溫泉蛋飯， 每個飯都跟小食同埋野飲， 性價比都吾差。不過等候食物既時間係比較長，估計可能係漏左單，但都體諒一個待應既餐廳。食物方面，賣相吾錯，肉同飯既份量都吾少。細食既女仔係會太多。費城芝士牛排飯方面，芝士味吾重，牛肉都嫩身, 吾會好老又乾身。黑毛豬溫泉蛋飯就係正常燒肉既味道, 加埋溫泉蛋既蛋香, 真係好食既。