影片
更多
2023-09-15
1009 瀏覽
餐廳以紅黑色為主調, 天花板掛滿日式燈籠, 好有日本氣氛, 而且樓底高有空間感, 窗邊位仲可以望到IFC 嘅夜景, 好浪漫, 枱與枱之間有舒適距離, 坐得好舒服。𓊈日式素食放題 $𝟻𝟹𝟶𓊉素食放題選擇好豐富, 有唔同前菜, 卷物, 串燒, 天婦羅同熱食, 另外每人仲可以叫一款主菜, 真係好豐盛!𓆹 前菜前菜有綠天使他他, 菠菜沙律, 海雲同冷奴。綠天使他他係蔬菜天婦羅, 炸得好酥脆, 味道香濃, 必食推介! 海雲味道偏酸但好開胃。𓆹 卷物卷物有墨西哥卷, 雜菜天婦羅卷, 辣味啦啦卷, 山芋卷, 秋葵卷同黑金卷, 款款都有唔同口感, 最驚喜係秋葵卷處理得好好, 唔會有滑潺潺嘅質感。𓆹 爐端燒爐端燒有獅子唐, 豆腐, 甜蕃薯, 銀杏同素雞, 豆腐有少少似臭豆腐嘅質感幾特別。𓆹 炸物炸物有紫蘇葉素雞天婦羅同椰菜花天婦羅, 2款都炸得好酥脆, 椰菜花天婦羅酸酸甜甜, 好好食!𓆹 熱盤熱盤有素餃子, 焗雜菌同雜菜炒烏冬, 雜菜炒烏冬係名古屋嘅扁烏冬, 雖然外貌好似河粉, 但係質感好煙韌。𓆹 主菜 ✧ 西瓜扒西瓜扒以秘製醬汁焗4個鐘, 然後將外層煎香, 有燒肉嘅味道, 非常juicy, 口感好特別
𓊈日式素食放題 $𝟻𝟹𝟶𓊉
素食放題選擇好豐富, 有唔同前菜, 卷物, 串燒, 天婦羅同熱食, 另外每人仲可以叫一款主菜, 真係好豐盛!
𓆹 前菜
前菜有綠天使他他, 菠菜沙律, 海雲同冷奴。綠天使他他係蔬菜天婦羅, 炸得好酥脆, 味道香濃, 必食推介! 海雲味道偏酸但好開胃。
𓆹 卷物
卷物有墨西哥卷, 雜菜天婦羅卷, 辣味啦啦卷, 山芋卷, 秋葵卷同黑金卷, 款款都有唔同口感, 最驚喜係秋葵卷處理得好好, 唔會有滑潺潺嘅質感。
𓆹 爐端燒
爐端燒有獅子唐, 豆腐, 甜蕃薯, 銀杏同素雞, 豆腐有少少似臭豆腐嘅質感幾特別。
𓆹 炸物
炸物有紫蘇葉素雞天婦羅同椰菜花天婦羅, 2款都炸得好酥脆, 椰菜花天婦羅酸酸甜甜, 好好食!
𓆹 熱盤
熱盤有素餃子, 焗雜菌同雜菜炒烏冬, 雜菜炒烏冬係名古屋嘅扁烏冬, 雖然外貌好似河粉, 但係質感好煙韌。
𓆹 主菜 ✧ 西瓜扒
西瓜扒以秘製醬汁焗4個鐘, 然後將外層煎香, 有燒肉嘅味道, 非常juicy, 口感好特別。
𓆹 主菜 ✧ 煙燻魚刺身盛合 +$𝟷𝟼𝟶
魚素食/ 唔係食開全素嘅朋友可以叫刺身盛合, 擺盤好精緻, 每款都好新鮮鮮甜。
𓆹 Chit-chat tea $𝟻𝟾
以Cold Brew配蜜桃同綠茶, 味道好清甜, 好好飲!
𓆹 Yuzu Sunrise $𝟼𝟾
柚子同橙嘅香味突出, 類似沙冰嘅質感, 唔會覺得太甜, 好好飲!
𓇊 整個日式素食放題體驗好有質素, 選擇好豐富, 建議每款先試一件, 因為食完主菜已經會好飽, 未必食得落, 值得推介!
張貼
