影片
更多
2017-07-08
329 瀏覽
餐廳位置的確有小小隱蔽，但係搵到之後一入門口就好有驚喜！首先環境簡潔清靜，好舒服，完全同門外面觀塘工廈有種強烈對比。食物方面，呢間係一間泰式餐廳。一嚟就叫左我最愛嘅沙嗲雞肉串燒。一碟有四串，雞肉好嫩滑，其實就咁食已經好夠味。隔離嘅沙嗲醬簡直係畫龍點睛，醬係偏甜嗰種，食唔出係有啲咩材料做但真係好好味！一個人一碟都絕對冇問題！之後就叫左係呢度出名嘅海南雞飯，因為晚市冇1個飯咁叫，所以叫咗一碟半隻嘅海南雞，另加左呢一碗油飯。先講碗油飯，好夠味但唔會太過油，其實完全唔需要配任何餸，就咁食都已經好好味！重點海南雞，果然做得出色，啖啖肉一舊骨都冇，非常嫩，雞皮亦都好爽，冇肥膏，加埋海南雞必配嘅黑豉油同辣醬，正呀！之後要左一個都係泰菜必食嘅炒金邊粉，一嚟都嚇親我哋，唔單止隻碟大，啲粉既份量都好大。金邊粉既羅望子味加埋青檸汁，酸酸地好醒胃。而蝦既數量都好多，加埋蛋碎同豆干粒，好似喺泰國食咁！雖然真係好飽，但係見到甜品有咁多款，女仔始終都係會忍唔住叫翻個。揀咗好耐決定要一個冇禁漏嘅檸檬撻，相當有驚喜！檸檬餡嘅酸味啱啱好，撻皮好脆，撻面裝飾用嘅蛋白脆餅都唔hea，就咁食都好脆，又唔會太甜，真係好滿足！本身
首先環境簡潔清靜，好舒服，完全同門外面觀塘工廈有種強烈對比。
食物方面，呢間係一間泰式餐廳。
一嚟就叫左我最愛嘅沙嗲雞肉串燒。一碟有四串，雞肉好嫩滑，其實就咁食已經好夠味。隔離嘅沙嗲醬簡直係畫龍點睛，醬係偏甜嗰種，食唔出係有啲咩材料做但真係好好味！一個人一碟都絕對冇問題！
沙嗲雞肉串燒
25 瀏覽
0 讚好
0 留言
之後就叫左係呢度出名嘅海南雞飯，因為晚市冇1個飯咁叫，所以叫咗一碟半隻嘅海南雞，另加左呢一碗油飯。先講碗油飯，好夠味但唔會太過油，其實完全唔需要配任何餸，就咁食都已經好好味！
重點海南雞，果然做得出色，啖啖肉一舊骨都冇，非常嫩，雞皮亦都好爽，冇肥膏，加埋海南雞必配嘅黑豉油同辣醬，正呀！
海南雞配油飯
32 瀏覽
0 讚好
0 留言
之後要左一個都係泰菜必食嘅炒金邊粉，一嚟都嚇親我哋，唔單止隻碟大，啲粉既份量都好大。金邊粉既羅望子味加埋青檸汁，酸酸地好醒胃。而蝦既數量都好多，加埋蛋碎同豆干粒，好似喺泰國食咁！
蝦仁炒金邊粉
17 瀏覽
0 讚好
0 留言
雖然真係好飽，但係見到甜品有咁多款，女仔始終都係會忍唔住叫翻個。揀咗好耐決定要一個冇禁漏嘅檸檬撻，相當有驚喜！檸檬餡嘅酸味啱啱好，撻皮好脆，撻面裝飾用嘅蛋白脆餅都唔hea，就咁食都好脆，又唔會太甜，真係好滿足！
檸檬撻
27 瀏覽
0 讚好
0 留言
本身我哋淨係叫咗一個甜品，點知老闆娘好好人，送多左份蜜糖撻配西柚啫喱請我哋食！蜜糖撻真係比較少見，入面好似係用左蜂巢做餡，好潤喉嘅蜜糖味。加上鮮忌廉，好rich既口感。千祈唔好忽略旁邊嘅兩粒西柚啫喱，好濃嘅西柚味好refreshing，係呢一餐完美既句號。
蜜糖撻配新鮮西柚啫喱
30 瀏覽
0 讚好
0 留言
總結嚟講呢間餐廳真係俾咗好多驚喜我，完全估唔到觀塘工廈有啲咁高水準嘅餐廳，泰式主食做得好好，甜品亦都唔可以睇小，比起好多專賣甜品嘅地方做得更出色！價錢又唔貴，一定會再幫襯！
張貼
