影片
更多
2015-05-12
699 瀏覽
約埋成班親戚慶祝媽媽節，搵咗呢間一行9人食私房菜試下。第一次嚟要咗$288個餐。可能母親節關係，全場爆滿。前菜芝麻醬沙律水耕菜脹卜卜水，麻醬非常香，我成日食呢類沙律，呢間數一數二👍。拍青瓜脆但未夠川麻辣，涼伴鮑魚菇爽帶麻油香。茶燻蛋襯魚子鹹香帶燻味，底下嘅厚切茄子夠實淨。加咗蝦兵蟹將$298，店方大方咁幫我免費加夠9件冇額外收錢。啲鮑魚有酒香又彈牙而且好大隻😋，松葉蟹太冰凍鮮味稍遜，蝦啲肉唔夠彈，不過賣相先聲奪人效果唔錯。呢5款都响20分鐘內送上，跟住就等咗約30分鐘，再嚟咗個燉螺頭湯，非常清甜，冇味精。中間姪女一直睇住我哋食冇份吃得個湯啱飲，扭計爆喊。問店方大約幾時上蒸魚，佢表示如冇特別要求將跟從菜單次序，為咗氹姪女，更主動送上出奇蛋，服務燙貼窩心😘。翡翠伴明珠原來係蛋白底有粒帶子用菠菜汁打芡。蛋白有可以再鬆軟啲，但賣相味道不錯。鴛鴦蝦原來用咗麵包細粒包住炸蝦，再用芥末、千島兩款醬汁，味道各異突出，由於材料靚，連麵粉敏感嘅阿姨食咗都冇發作唔使食抗敏藥。蒸海斑好大條，有少少黐骨，但咁大條好易過火太老或唔熟，呢條啱啱好，睇到廚師功架。胡椒炒雙肉蟹，我要求減辣，啲胡椒味入哂啲肉，但又冇蓋過
第一次嚟要咗$288個餐。可能母親節關係，全場爆滿。
前菜芝麻醬沙律水耕菜脹卜卜水，麻醬非常香，我成日食呢類沙律，呢間數一數二👍。拍青瓜脆但未夠川麻辣，涼伴鮑魚菇爽帶麻油香。茶燻蛋襯魚子鹹香帶燻味，底下嘅厚切茄子夠實淨。
加咗蝦兵蟹將$298，店方大方咁幫我免費加夠9件冇額外收錢。啲鮑魚有酒香又彈牙而且好大隻😋，松葉蟹太冰凍鮮味稍遜，蝦啲肉唔夠彈，不過賣相先聲奪人效果唔錯。
呢5款都响20分鐘內送上，跟住就等咗約30分鐘，再嚟咗個燉螺頭湯，非常清甜，冇味精。中間姪女一直睇住我哋食冇份吃得個湯啱飲，扭計爆喊。問店方大約幾時上蒸魚，佢表示如冇特別要求將跟從菜單次序，為咗氹姪女，更主動送上出奇蛋，服務燙貼窩心😘。
翡翠伴明珠原來係蛋白底有粒帶子用菠菜汁打芡。蛋白有可以再鬆軟啲，但賣相味道不錯。鴛鴦蝦原來用咗麵包細粒包住炸蝦，再用芥末、千島兩款醬汁，味道各異突出，由於材料靚，連麵粉敏感嘅阿姨食咗都冇發作唔使食抗敏藥。
蒸海斑好大條，有少少黐骨，但咁大條好易過火太老或唔熟，呢條啱啱好，睇到廚師功架。
胡椒炒雙肉蟹，我要求減辣，啲胡椒味入哂啲肉，但又冇蓋過鮮甜味，伴碟啲紅黃綠椒好惹味。很愛😍！
屋企成日炒雜菇，啲親戚都盛讚好味，我就已經食到厭，但呢款黑松露炒雜菇帶濃郁黑松露香，菇冇煮到腍pat pat，食到差唔多最後已經好飽都忍唔住食咗好多。
茶王燻雞帶有濃香茶燻味，離遠都聞到，皮好薄又脆唔肥，連胸位都滑，一向唔食雞皮嘅我再次破戒，而且食咗好多件😍。
清炒水耕菜又係我成日食到厭嘅菜心，而且呢個時間仲要唔係當造，但睇落晶瑩剔透翠綠色，食落冇渣夠嫩，我又係食咗好多😋瑤柱蛋白炒飯好乾身，面嘅飛魚子又係我最憎嘅材料之一，可能新鮮夠卜啦，呢度整得好好味。呢次只吃小半碗。
上面8款餸飯响一個半小時內送上。
食到最後嘅兩道甜品，一啲都唔hea，有個炸芋丸，外皮脆，裡面軟滑重芋味唔過甜；雪糕係成個波咁嘅有好多味，我試咗芋頭好重味，綠茶係真綠茶味唔假，同樣冇過甜，而且夠軟滑，冇粗雪粒或者氣孔。我淨係試過响日本料理店食過日本返貨，呢度唔肯定係咪同貨源。期間店方主動進出打點我哋嘅飲品要求、斟茶，我已忍唔住讚啲嘢食好味道。店方已表示今晚招呼不週，多多包涵。其實除咗碗碟冇乜換(我估計當晚太多枱客唔夠人手)，同埋食咗3個鐘頭(講真16道菜又好似差唔多)，其餘招呼已超高水準，與許多五六星酒店、fine dining西餐廳有得揮👍最後我哋再次盛讚，店方有禮地請出廚師－原來係一個好有型嘅後生仔嚟㗎😱
除咗有天份，我相信廚師對飲食亦充滿熱誠，希望下次去有更多驚喜！
張貼
