生生市場 (永德大廈)

營業中

休息中

經朋友介紹，去了灣仔「生生市場」買韓食外賣！店內除左有不同凍肉選擇外，仲有好多韓國熟食及小菜，總有一款啱心水，仲要價錢很親民！今次買的韓食、小菜，都係本人每次食韓國菜必選😋。韓式炒粉絲，配料滿滿，粉絲口感彈牙又入味。吞拿魚紫菜飯卷，外面飯卷通常飯厚料薄，但呢度薄薄的飯包住厚厚配料，紫菜又脆口，口感勁豐富，味道很不錯。但今次最驚喜係佢的小菜，新鮮辣泡菜、辣蘿蔔粒泡菜及涼拌豆芽全都味道豐富，口感爽脆，令你一口接一口食唔停，配白飯一流，絕對要encore！唯一不足係辣度冇得揀，唔食得辣嘅人，應該覺得新鮮辣泡菜會有點辣～覺得港島唔就腳？生生市場元朗都有分店，方便新界區朋友選購！