影片
更多
2018-06-25
319 瀏覽
餐廳位置非常方便，一出石門站，商場就在旁邊。沿途經過呢間餐廳又大又靚，決定一試。我們一家四口，點了兩個二人餐。餐牌選擇蠻多。回顧今次晚飯，反而想推介佢嘅頭盤甜品。先來個餐包盤，其實開胃菜都緊要。因為會影響成餐飯嘅感覺!首先麵包有黑炭，芝麻，紅莓味，個個都熱辣辣鬆軟可口，忍唔住食曬。四人要爭住食，我好難先搶到半塊紅莓點湯。今晚是日餐湯係雜菌湯，唔好睇佢水汪汪，原來係用鮮菌打磨，忌廉味及松露油配合得好好，如果太杰太濃就食唔到其他野。大蝦香芒沙律配油醋汁，賣相靚到已經好開心。大蝦新鮮彈牙，芒果又熟（甜）份量都多。沙律菜不止生菜，有紫椰菜，紫洋蔥，龍鬚菜等等，有heart。 佢個油醋汁調得酸甜恰當，一家大細都食到，唔會酸到媽媽聲，可以一食到尾!炸物拼盤有驚喜:有春卷，洋蔥圈，雞翼及薯角。 全部炸得啱啱好，不油膩。 籃底索油紙其實冇咩油， 食炸物我都算奄尖，炸得太脆我會嫌熱氣， 炸漿太厚會唔食。 今次炸物我可以全部食曬，重要個個争。主菜揀咗士多啤梨豬肋骨及安格斯西冷牛扒。用得士多啤梨就係想豬肋骨鬆軟，輕輕用刀切就可以切開，士多啤梨醬味道似甜蕃茄。西冷牛扒叫左7成熟，廚師真係做到，讚!呢個牛油果三
餐廳位置非常方便，一出石門站，商場就在旁邊。沿途經過呢間餐廳又大又靚，決定一試。
我們一家四口，點了兩個二人餐。餐牌選擇蠻多。
回顧今次晚飯，反而想推介佢嘅頭盤甜品。
先來個餐包盤，其實開胃菜都緊要。因為會影響成餐飯嘅感覺!
首先麵包有黑炭，芝麻，紅莓味，個個都熱辣辣鬆軟可口，忍唔住食曬。四人要爭住食，我好難先搶到半塊紅莓點湯。
今晚是日餐湯係雜菌湯，唔好睇佢水汪汪，原來係用鮮菌打磨，忌廉味及松露油配合得好好，如果太杰太濃就食唔到其他野。
大蝦香芒沙律配油醋汁，賣相靚到已經好開心。大蝦新鮮彈牙，芒果又熟（甜）份量都多。沙律菜不止生菜，有紫椰菜，紫洋蔥，龍鬚菜等等，有heart。 佢個油醋汁調得酸甜恰當，一家大細都食到，唔會酸到媽媽聲，可以一食到尾!
炸物拼盤有驚喜:有春卷，洋蔥圈，雞翼及薯角。 全部炸得啱啱好，不油膩。 籃底索油紙其實冇咩油， 食炸物我都算奄尖，炸得太脆我會嫌熱氣， 炸漿太厚會唔食。 今次炸物我可以全部食曬，重要個個争。
主菜揀咗士多啤梨豬肋骨及安格斯西冷牛扒。
用得士多啤梨就係想豬肋骨鬆軟，輕輕用刀切就可以切開，士多啤梨醬味道似甜蕃茄。
西冷牛扒叫左7成熟，廚師真係做到，讚!
呢個牛油果三文魚炒飯真係冇得頂，用左珍珠米粉，粒粒煙韌，三文魚粒重要好大粒，啖啖肉，配埋我至愛牛油果認真一流!
另一主食，肉醬意粉。我老爺食完讚話好味，唔似一般餐廳比免冶肉及罐頭醬，佢似切肉加番茄煮成，重配埋野菌!
最後佢嘅甜品真心唔錯，有朱古力心太軟及切餅(American cheesecake及 Opera）
雖然食包包會覺得食唔落甜品，但你一試次下會繼續食! 兩個甜品嘅朱古力及芝士超濃。
心太軟焗得完美，朱古力流心與蛋糕外殼五五比例，夠熱夠香!
芝士蛋糕係可以比過市面餅店嘅質素，是酒店級嘅濃味幼滑口感嘅質地!
Opera蛋糕外面嘅朱古力漿雖然濃，但唔會蓋過裡面嘅朱古力海綿蛋糕，口感軟林林，可口美味。
張貼
