影片
更多
2018-08-18
120 瀏覽
朋友真係好喜歡四圍搵食，今晚就係佢帶我到這裡品嘗了一頓美食，餐廳位置雖然唔係對住大街，但就係咁個價錢先至可以做到呢個價，Omakase嘅價錢相對合理，餐廳內環境闊落，有吧枱位置同梳化位，當然朋友訂了位就係吧枱啦，望主師傅為自己準備食物當然係要個最佳位置！望望餐牌有三款Omakase選擇由$980七道，$1180八道，同八道但要訂嘅$1480，咁當然係$1180呢個啦！未落單前店員亦細心奉上熱茶同毛巾讓客人濕口同抺手清潔後放心進食師傅嘅精緻嘅手勢美食！落單後師傅先奉上日本漬物，蘿蔔絲，爽口清新！前菜就由三款美食組合有新鮮蕃茄沙律，爽口水母刺身，同埋香口嘅天婦羅鮑魚，入口煙韌彈牙！接住就係浜富縣處女蠔，入口時會感覺到肉質帶有濃郁嘅海水味，而味道帶甜，肉質帶點結實，夠晒口感！而刺身先上五件一碟先慢慢品嘗愛女魚包住日本芥末子，入口肉質扎實爽口，肉質肥美呈半透明，味道清甜鮮味！平政魚刺身口感肥嫩，味道也較濃郁！日本魷魚刺身晶瑩剔透，入口爽口煙韌，帶點黏性！粒貝刺身肉質十分爽口！深海大八爪魚觸鬚刺身亦十分爽口彈牙！之後再上埋餘下較肥美嘅刺身太刀魚入口就感覺到濃郁嘅魚味，所以師傅先炙一炙個魚皮位置！
望望餐牌有三款Omakase選擇由$980七道，$1180八道，同八道但要訂嘅$1480，咁當然係$1180呢個啦！未落單前店員亦細心奉上熱茶同毛巾讓客人濕口同抺手清潔後放心進食師傅嘅精緻嘅手勢美食！
落單後師傅先奉上日本漬物，蘿蔔絲，爽口清新！
前菜就由三款美食組合有新鮮蕃茄沙律，爽口水母刺身，同埋香口嘅天婦羅鮑魚，入口煙韌彈牙！
接住就係浜富縣處女蠔，入口時會感覺到肉質帶有濃郁嘅海水味，而味道帶甜，肉質帶點結實，夠晒口感！
而刺身先上五件一碟先慢慢品嘗
愛女魚包住日本芥末子，入口肉質扎實爽口，肉質肥美呈半透明，味道清甜鮮味！
平政魚刺身口感肥嫩，味道也較濃郁！
日本魷魚刺身晶瑩剔透，入口爽口煙韌，帶點黏性！
粒貝刺身肉質十分爽口！
深海大八爪魚觸鬚刺身亦十分爽口彈牙！
之後再上埋餘下較肥美嘅刺身
太刀魚入口就感覺到濃郁嘅魚味，所以師傅先炙一炙個魚皮位置！
金目鯛亦火炙了一下配埋個柚子醬入口份外香滑肥美！
清魚上面就放了少少薑絲，入口魚味較濃郁
跟住就係炸物
以天婦羅形式奉上內爽口蓮藕片，還有用紫蘇葉包住嘅吞拿魚天婦羅，入口有陣清新嘅紫蘇葉味道，而吞拿魚肉夠晒軟熟入味
再來燒物就係汁煮雞肉讓冬菇，十分入味，雞肉吸收了冬菇嘅香味而且冬菇亦十分軟滑彈牙！
跟住就係壽司
白蝦壽司，入口時白蝦帶點黏性
左口魚邊壽司，用火炙嘅手法令它更肥美油膩
金線鯛壽司同用都有火炙，但入口爽口有彈性
北海道海膽壽司當然就係鮮甜軟滑
紫菜包住火炙後嘅拖羅配香脆櫻花蝦，呢個食法幾特別，首先入口有香脆櫻花蝦嘅感覺後再來拖羅份軟滑肥美嘅雙重口感！
尾聲就係上埋個麵豉魚湯，裡面還有片魚肉，都好有香濃嘅魚味道，最後就係甜品，有兩種口味嘅雪糕，我就點了個柚子雪葩，味道充滿柚子味道，十分滿足！
張貼
