影片
更多
2022-10-22
597 瀏覽
🤪🤪其實好少打食評。。但琴日同完fd食完後覺得覺得要打打讚下間餐廳。。因為佢嘅服務真係超好。。好到我都覺得有d唔好意思。。好似西客🙈🙈。。首先Book左枱7點，由於友人遲左收工，所以我一直坐到好似7點半先齊人order🙈🙈🙈中間完全無催落單。。叫左個二人set 包括二人套餐 韃靼吞拿魚塔 虎蝦&八爪魚燴飯 A5和牛上後腰肉 蔬菜 車厘茄五花肉 芝士蛋糕&雪糕 （仲有3杯酒但我影張menu實在太矇copy唔到）頭盤（牛油瓜配吞拿魚好夾）好快就送到，佢哋會細心留意我哋食完先收碟上另一款之後上燴飯🙈🙈我自己唔好，無問清楚就order個set，唔知個飯原來辣，但我個fd係完全0辣嘅人，所以佢都即刻同職員講返呢個情況，要壼水先食到。。職員即刻勁體貼沖涼茶同比一大壼水，亦同廚師反映。。（因為我坐入面唔係好聽得清楚，不過最後佢問左我哋幾次後，幫我哋換左兩碟燴飯變唔辣的煮法）。我自己個人都唔係好食得辣，所以覺得幾辣，但其實整體OK，而個fd係食熱浪都覺得好辣嘅程度，所以如果佢食的話的確好有困難。之後我覺得應該從新煮過碟新嘅比我哋，完全唔辣個fd都食得非常OK，真係勁體貼。中間再連埋串燒蔬菜（唔記得影相
因為佢嘅服務真係超好。。好到我都覺得有d唔好意思。。好似西客🙈🙈。。
首先Book左枱7點，由於友人遲左收工，所以我一直坐到好似7點半先齊人order🙈🙈🙈中間完全無催落單。。
叫左個二人set 包括
二人套餐
韃靼吞拿魚塔
虎蝦&八爪魚燴飯
A5和牛上後腰肉
蔬菜
車厘茄五花肉
芝士蛋糕&雪糕
（仲有3杯酒但我影張menu實在太矇copy唔到）
頭盤（牛油瓜配吞拿魚好夾）好快就送到，佢哋會細心留意我哋食完先收碟上另一款
之後上燴飯🙈🙈我自己唔好，無問清楚就order個set，唔知個飯原來辣，但我個fd係完全0辣嘅人，所以佢都即刻同職員講返呢個情況，要壼水先食到。。職員即刻勁體貼沖涼茶同比一大壼水，亦同廚師反映。。（因為我坐入面唔係好聽得清楚，不過最後佢問左我哋幾次後，幫我哋換左兩碟燴飯變唔辣的煮法）。我自己個人都唔係好食得辣，所以覺得幾辣，但其實整體OK，而個fd係食熱浪都覺得好辣嘅程度，所以如果佢食的話的確好有困難。之後我覺得應該從新煮過碟新嘅比我哋，完全唔辣個fd都食得非常OK，真係勁體貼。
虎蝦&八爪魚燴飯
21 瀏覽
0 讚好
0 留言
中間再連埋串燒蔬菜（唔記得影相）同清酒一齊上。。串燒蔬菜都好味唔乾。。
16 瀏覽
0 讚好
0 留言
完全估唔到個和牛會上噤多金箔，靚得黎好淋都有d油香唔（漏）
芝士蛋糕&雪糕
27 瀏覽
0 讚好
0 留言
最後上嘅甜品係有驚喜（利申我係一個唔太好甜品嘅人，唔鍾意d好重奶同甜嘅味道）
首先個雪糕我初初見白色以為係至憎嘅雲尼拿味，點知唔係啵。。雖然我無問職員係咩味，但食到陣陣奶香但唔（蘇），質感有d特別唔係一般雪糕。。但由於少食甜品唔識分。。
個芝士蛋糕都好味，唔太甜亦唔係硬。。（😅唔知係咪焦糖巴斯克芝士蛋糕）只可總結鍾意呢個甜品。。好味
尾尾都有個少插曲，無為意餐廳收幾點，我哋都傾得太開心，無為意由幾時開始所有客已經全部走哂。。所以即刻上openrice睇下收幾點。。點知原來收9點半。。我知嘅時候已經9點半，即刻叫埋單。。但過程中佢哋完全無催我哋或叫我哋埋單先呀或執我哋d杯碟等。。真係超級超級超級nice，勁唔好意思阻人收工🙈🙈🙈係人都想準時收工回家休息架嘛，但佢哋可能見我哋傾緊計都無提出要閂門，以呢個價錢收費，真心超一般嘅服務及食物質數。
千字文總結會推介朋友黎，自己都會再黎，但會避免西客行為🙈🙈🙈
張貼
