IPC Foodlab (已結業)

過往曾經黎IPC Foodlab食過幾次野，都的唔起心肝寫食譜。今次呢一餐真係要寫一寫食評，讚一讚大廚嘅體貼同埋心思。首先，今次個套餐非常體貼男士的荷包，七個courses原價398+10%，去chope訂枱348+10%，除開大概五六十蚊一個course，算係咁啦。先來前菜同埋沙律。前菜係特色泡菜、煙三文魚慕絲併牛油多士條。點解我叫佢做特色泡菜呢？因為佢唔同韓國泡菜，佢辣得黎比較清，唔多受得泡菜辣嘅我都食得到。佢仲有一陣咖哩香料味，幾特別。而三文魚慕絲配上充滿牛油香的多士條很合我胃口，慕絲香滑，齒頰留香。但論特別就唔夠泡菜黎啦～跟住嘅沙律唔係唔好食，但點解會揀調轉手指公呢？個問題出左係個名到。睇返menu叫心型蔬菜沙律、心型烚蛋配法式油醋醬，係見到d紅椒黃椒甘荀cut到心型咁，幾趣緻，但隻心型蛋去左邊? 染左色就係心型? 有d失望。加上我唔太鍾意食烚熟哂嘅蛋黃，如果係溏心蛋就好啦～跟住係用杯裝住嘅紅菜頭乾瑤柱湯。個湯幾鮮味，無師傅，紅菜頭仲吸收左乾瑤柱嘅味道，咸咸地好好食。今次食評主力係一讚呢半隻龍蝦嘅心思。當侍應放底menu個陣見到呢道菜，心裡一沉: 以我小學雞水平嘅餐桌禮儀同埋運