Cube O - Journey with Seajellies

營業中

休息中

情人節諗住去慶祝下 入到去安排座位，完全同介紹不一樣，唔係有水母窗係旁邊，咁都算。一個set $1888加一 野食極差，所有野食都唔熱既，全部室溫，連杯酒都係室溫😅 完全唔值依個價。 野食上得慢，食完一樣野等好耐先上第二樣野。首先頭盤芝士勁難食，個湯唔熱，個甜品檸檬撻勁酸，酸到直程食唔落。 得個牛扒係比較好少少，不過得半個手掌心咁大份，食完都唔覺自己有食咗啲咩。位唔靚同野食差都算，黎得都係想打卡，影下相，因為無安排到靚位，就諗住等靚位既情侶走左先行埋去想影張相，點知水母窗熄燈，一張相都影唔到，問啲staff可唔可以開反，話係system set好左，其實如果係咁你哋餐廳係咪應該一早話比啲客人聽，幾點係會熄燈，等啲客有心理準備，唔好上到黎，野食又失望，環境又失望呢？最後埋單二千幾蚊，一樣應有嘅嘢都冇得到，從來都唔打差評，但今次都不得不打，希望大家唔好再中伏。