影片
更多
2019-04-27
253 瀏覽
喜愛甜吃和扮靚靚嘅好友生日， 揀咗一間新開嘅話題餐廳同佢慶祝。對我嚟講幾時都係食物美味程度重要過打卡， 如果兩者兼得就梗係perfect !同上網睇既一樣， 一出lift已經感受到四週華麗而典雅嘅佈置， 好在我都執一執個look先嚟。維多利亞嘅古典風格滲滿每一個角落， 由餐具，枱椅，水晶吊燈，牆壁，小擺設，古典梳化等都經過一番嘅設計和精心挑選， 難怪在場的女士們都忙於影相，打卡，合照 。。餐廳仲提供一些古典嘅頭飾讓客人cosplay 一番， 店員仲幫手影相， 一時間都覺得自己代入咗高貴淑女嘅一群～～哈哈English Afternoon Tea Set 下午茶嘅時間當然係食返個 afternoon tea set。2位$568先來三層經典英式下午茶 專用層架， 裝滿鹹點甜點， 精緻可人愛不釋手。先試這個帕馬火腿蜜瓜， 帕馬火腿仲係軟熟， 唔係預早製作風乾到硬咗。香煎蟹餅， 咬開係一絲絲嘅蟹肉， 鮮甜，冇溝粉去炸， 真材實料！迷你小漢堡， bite size嘅漢堡， 仲微微暖， 淋上少許嘅芥末酸瓜醬汁， 酸酸地同漢堡肉好夾。甜點我先吃焦糖燉蛋。 燉蛋極濃郁厚滑， 滿口蛋香， 面層脆卜卜嘅
喜愛甜吃和扮靚靚嘅好友生日， 揀咗一間新開嘅話題餐廳同佢慶祝。
對我嚟講幾時都係食物美味程度重要過打卡， 如果兩者兼得就梗係perfect !
同上網睇既一樣， 一出lift已經感受到四週華麗而典雅嘅佈置， 好在我都執一執個look先嚟。
維多利亞嘅古典風格滲滿每一個角落， 由餐具，枱椅，水晶吊燈，牆壁，小擺設，古典梳化等都經過一番嘅設計和精心挑選， 難怪在場的女士們都忙於影相，打卡，合照 。。
餐廳仲提供一些古典嘅頭飾讓客人cosplay 一番， 店員仲幫手影相， 一時間都覺得自己代入咗高貴淑女嘅一群～～哈哈
English Afternoon Tea Set
下午茶嘅時間當然係食返個 afternoon tea set。
2位$568
先來三層經典英式下午茶 專用層架， 裝滿鹹點甜點， 精緻可人愛不釋手。
先試這個帕馬火腿蜜瓜， 帕馬火腿仲係軟熟， 唔係預早製作風乾到硬咗。
香煎蟹餅， 咬開係一絲絲嘅蟹肉， 鮮甜，冇溝粉去炸， 真材實料！
迷你小漢堡， bite size嘅漢堡， 仲微微暖， 淋上少許嘅芥末酸瓜醬汁， 酸酸地同漢堡肉好夾。
甜點我先吃焦糖燉蛋。 燉蛋極濃郁厚滑， 滿口蛋香， 面層脆卜卜嘅焦糖， 係重點所在，整體味道出色。
草莓撻， 面層有塊少少嘅金箔， 盡顯矜貴， 草莓下面更有一些吉士醬， 撻皮鬆化， 草莓酸酸地中和番個甜點。
再食番啲比較甜嘅嘢， 意式奶凍， 幼滑香濃， 有好香嘅杏仁味。
店家招牌自家製蛋糕， 伯爵茶戚風蛋糕。 加咗海鹽喺戚風蛋糕， 囗味介乎鹹甜中間， 味道特別， 少了那種甜膩感，推介。
熱辣辣即焗啱啱出爐嘅英式鬆餅， 一定要趁熱食。 配鮮奶油和紅桑子醬。 冇講錯係熱到辣手， 但焗出嚟嘅效果唔夠鬆化， 而且牛油麵粉層仲有啲未熟嘅感覺， 甚為痴牙。
拿破崙， 唔會有太多層，依然口感鬆化， 夾著忌廉 吉士醬 和面層嘅 紅桑子同吃， 又酸又甜又鬆化，好過癮！
歌劇蛋糕細細件， 造型精巧， 味道唔錯唔係粗製濫造嘅貨色。 尤其依款正方形嘅朱古力撻， 裏面係濃郁嘅黑朱古力，好creamy!
套餐仲包括 一杯飲品。 多款甜點當然係選一壺Victoria rose tea. 透明嘅玻璃茶壺下面有一個小型座熱裝置， keep住啲茶夠熱。 茶膽有不少玫瑰花瓣， 幽香樸鼻，配襯甜點最夾。
另外点選了Victorian Rose Latte, 玫瑰拉花和一些玫瑰花瓣， 好襯嗰套茶杯， 層拉花做得好堅固，厚實幼滑， 飲咗一半仲係完整無散。
餐廳另一邊有個半開放嘅露台， 開揚嘅遠景仲可以睇到日落， 好舒服相當寫意～～
餐廳仲不時播放着古典音樂， 完全可以讓你做半天高貴嘅淑女。
張貼
