Zecond (已結業)

一個人要去上環拎文件，撞正午飯時間度度都多人，但又想食好啲，聽人講蘇杭街有好多好野食，亂打亂撞見到呢間餐廳亦都有set lunch .. 一開門嘅時候就發現餐廳坐滿人，正想離開嘅時候店員就話樓上有位，咁緊係一個人上去試下啦。餐廳裝修都好特別令人坐得好舒服好寫意感覺，一樓望出窗外餐廳亦用左植物去佈置，好岩係上環返工嘅打工仔午餐嘅時候看到一片綠洲。而且餐廳亦都掛上油畫增添藝術氣息👍✨️冬陰功大蝦意粉🍝🍤🦐大蝦有5~6隻, 而且咬落爽口彈牙，重點櫻花分量極多 ，冬陰功味夠出眾，大蝦完全同冬陰功勁配搭，再加上洋蔥青椒等配料令味道層次提昇👍意粉完全浸淫在冬陰味道，而且意粉不會煮得太淋十分富有彈性👍✨️蕃茄汁唔喺間間餐廳都有番茄汁，這間餐廳的番茄汁絕對係即磨番茄汁，鮮味濃郁，蕃茄帶有點酸，但係係令人開胃的酸，但飲落你會發現係甜的，但絕對係健康同自然的甜👍好岩我呢啲 蕃茄愛好者❤️