影片
更多
2016-09-08
556 瀏覽
小弟早前去完北海道，表哥就啱啱到訪大阪，所以，就約埋一齊食餐飯，兼交流吓旅遊體驗，話晒佢一家人第一次自由行，都應該會有好多體會。不過，講到體會，原來韓式炸雞佢都喺第一之次食，真喺有啲估唔到，佢話就算嗰時去韓國旅行，因跟團關係都未有試。揀嚟Yadllie都喺睇到雜誌嘅介紹，炸雞既唔用粉漿，而喺薄薄沾上一層炸粉去炸，又由韓國引入高壓炸爐，先後炸兩次，逼出多餘油份，所以，幾好奇個口感喺點。平常講高壓手段都喺啲衰嘢，又睇睇今回嘅「高壓」手段所做出嘅炸雞又會喺點！一出電梯就喺餐廳門口，門面採用水泥牆，天花掛上木架裝飾，帶點粗獷；然而，入到餐廳裡面，以淺木色系為主體，變得感覺截然不同。餐廳中間牆身置上一大幅韓國地圖，除有不少地標名勝外，原來標示出分店散布嘅地區，問一問，已經有約50多家分店。順帶一提，我被安排坐晌卡位，牆身設有usb插位，方便大家手機叉電。不過，目測所見，好似唔喺個個位都設有插位。一如好多炸雞店，炸雞故然喺主打，亦有相當多其他韓式美食。例如：韓式鐵板、沙律、部隊鍋、韓式飯麵、小食、甜品。飲品同樣幾有特色，有一系列手製手果酒、水果米酒，之前都未有見過。此外，仲有啤酒、汽水及果汁等等。
一出電梯就喺餐廳門口，門面採用水泥牆，天花掛上木架裝飾，帶點粗獷；然而，入到餐廳裡面，以淺木色系為主體，變得感覺截然不同。
餐廳中間牆身置上一大幅韓國地圖，除有不少地標名勝外，原來標示出分店散布嘅地區，問一問，已經有約50多家分店。
順帶一提，我被安排坐晌卡位，牆身設有usb插位，方便大家手機叉電。不過，目測所見，好似唔喺個個位都設有插位。
一如好多炸雞店，炸雞故然喺主打，亦有相當多其他韓式美食。例如：韓式鐵板、沙律、部隊鍋、韓式飯麵、小食、甜品。
飲品同樣幾有特色，有一系列手製手果酒、水果米酒，之前都未有見過。此外，仲有啤酒、汽水及果汁等等。
餐前小食韓式餐廳唔理喺賣咩菜，一般都提供餐前涼菜，不過多數都喺泡菜之類，但Yaddlie供應嘅喺的的骰骰嘅蒸南瓜、粟米粒及醃蘿蔔。啲南瓜蒸到好腍，入口既粉且甜，粟米粒亦喺超甜貨色，而醃蘿蔔爽脆酸香。
芒果菠蘿特飲 $98上文講過有一系列手製手果酒同水果米酒，可惜暫時店家未有酒牌，所以無緣一試。不過，無酒精嘅特飲亦唔錯喎，以鮮芒果、鮮菠蘿、梳打打成嘅芒果菠蘿特飲，飲落芒果味同菠蘿味都好平衡，加入梳打令人有種爽口嘅感覺。值得一提嘅，啲玻璃杯仔喺雪凍咗先奉客，細節位都好認真。
7色乳酪沙律 $148沙律有兩款選擇：7色乳酪及蔥絲雞塊，當然，以前者多料大堆頭吸引啲，包括：粟米粒、雞蛋、黑橄欖、雞肉、車厘茄、芝士碎及沙律菜，再配上乳酪醬，不過，乳酪醬並非如圖另上，而喺事先淋咗落沙律菜度。個人建議，先將沙律面嘅材料稍稍攪幾攪再跟沙律菜一齊撈勻，咁樣會「勻巡」好多。
因為材料豐富，配搭多樣化，所以，味道豐富，口感富層次，加上沙律菜冰涼爽脆，乳酪醬輕怡清新，唔知啲乳酪醬可唔可以添多啲呢？
韓式雞蛋卷 $128小食類中我哋揀咗雞蛋卷，因為之前晌好幾間韓式炸雞店都食過覺得好好食。不過，相比下，佢哋嘅雞蛋卷就唔似得其他嗰啲又包住粉絲、火腿、酸瓜等等口感咁豐富，雞蛋卷內只捲有芝士及蟹籽，本身喺可以做到鹹香且有卜卜脆嘅效果，可惜只有底層一撮有「料」到，蛋嘅層次又未夠清晰，整體效果會差咗少少。
講到主打嘅炸雞，一共有8款，分為兩組，4款炸雞屬基本口味：原味炸雞、大邱辣醬炸雞、蒜香炸雞、蔥絲炸雞（$148-$158），可雙拼賣$168。
半半炸雞（原味、蒜香）$168兩款唔同口味嘅炸雞，伴上車厘茄及薯條，以木板奉上，甚有田園風味。兩款雞都真喺炸得好香脆，加上啲雞嘅皮下脂肪少，再利用高壓炸爐，真喺食落一啲都唔油膩，而肉質頗嫩滑，沾一沾特製香蒜醬，立時提升惹味指數。
另一組，4款炸雞稱為特別口味：蜂蜜芝士粉炸雞、乳酪窩夫炸雞、棉花糖作料炸雞、首爾醬油烤雞（$158-$178），依一組就唔可以雙拼。
乳酪窩夫炸雞 $158依一碟嘅賣相就唔同啲，因為用上白色瓷碟，炸雞嘅輪廓更突出，而成碟炸雞灑滿乳酪粉，如雪紛飛。雞件入口依然唔油，不過，對比起上面嘅炸雞食落無咁嫩；而淨食時有種輕微嘅酸酸甜甜，再蘸上自家調校嘅乳酪醬，帶多一點微酸，多添一份清爽嘅感覺。墊底嘅有薯條，以及兩件窩夫，當然唔會脆食，純粹過口癮為多。
韓式黏糕雪冰 $68即喺有啲人叫嘅韓式雪花冰，之前都食過好幾次，夏天食特別覺得清爽，因為整整一大碗雪花冰刨得極度幼細，口感綿綿，刨冰內加入煉奶，冰面又撒滿綠豆粉，所以，味道絕不單調；加埋麻糬及杏仁片，添上唔同口感，效果相當唔錯，唯覺得麻糬有啲啲硬。
整體嚟講，食物水準唔錯，但始終喺新開無耐，部分製作仍有改進空間心。不過，服務方面幾到位，侍應禮貌勤快，點咗嘅炸雞亦無其他食評所講要等咁耐，相信晌不斷改進下應該會做得更好。
張貼
