Life Toast (希雲街) (已結業)

依家非常流行韓國盒子吐司🍞，之前就同大家介紹左長沙灣小店，今日就帶埋大家嚟試埋位於銅鑼灣希雲街既「生命有限工司」。同樣地，呢度嘅招牌菜都係軟殼蟹吐司，不過難得嚟食第二間，不如試吓啲獨特啲嘅口味啦！我自己覺得呢款「燒牛肩胛厚洋蔥🧅溫泉蛋吐司」幾好味😋。雖然吐司外貌平平無奇，但我俾呢隻溫泉蛋深深吸引住。吐司上層先有爽口生菜🥬，配上濃稠蛋🥚汁，食落有口感外亦唔會太乾。多左既蛋汁可以流落下層，配埋經炒過既牛肉，食落味道好夾👍🏻！牛肉本身都滑，又炒得香口，配埋洋蔥🧅令到香味升級，亦令到吐司整體的口感更豐富😋！真心覺得溫泉蛋溫度處理得好好，蛋唔會太易散/爆汁！呢度比長沙灣小店特別嘅係有較多特色小食可供選擇，炸雞表現OK，食落都香脆，配埋辣粉食變得又麻又辣🔥！唯一特別❤️係佢既忌廉芝士醬，食落竟然酸酸甜甜，配埋炸雞食特別開胃，唔覺油膩！