仟米 (已結業)

喺利園附近發現呢間小店除咗腸粉燒賣魚蛋等等小食之外仲有午餐提供選擇都幾多！抵讚嘅位係可以自行配搭唔同嘅主食白飯/炒飯/烏冬/蕎麥麵/米粉/菜如果想減肥避開澱粉質揀菜底真係無敵👍🏼👍🏼【吉列豬扒咖喱芝士撈烏冬】非常滋味吉列豬扒滿滿日本風情啖啖肉外皮都算好香脆咖喱味香濃再加上溶化咗嘅芝士醬令到成個烏冬都好惹味【五香肉丁餐肉叉燒粒炒蛋】配炒飯又係一個每一啖都非常惹味嘅選擇！香噴噴嘅炒飯，用上多款唔同嘅材料啱晒食肉獸同埋貪心嘅人😎😎每一啖都食到唔同嘅配料口感非常豐富，又好食係非常用心製作🥰雖然舖頭唔大但致力提供多款唔同嘅食物實在難得值得支持👍🏼