悅火 (已結業)

門口見到新舖開張告示。有85折免加一送埋啤酒好似幾吸引所以入咗去試試。店內裝修都幾舒服。又乾淨又靚。一坐低叫咗幾串串燒，好似牛仔排呀、五花腩呀、山葵雞肉呀等肉類。肉類整體外層都燒得好香脆，尤其小牛排上枱嘅時候仲有啲肉汁滴緊出嚟。好Juicy好突顯到新鮮嫩滑既肉質。我哋另外叫咗焦糖蕃茄、番薯、舞茸、粟米。蕃茄佢灑上咗一啲焦糖烤脆，個配搭意想不到很好。另外粟米用咗牛油去烤。提升咗個香味同味道。之後我哋見隔離食原隻新鮮海膽。我哋亦都叫咗一隻。隻海膽好似係由佢廚師發板嘅廚師主理。又大又鮮美，大家都可以試吓。成餐食咗好多嘢。有新鮮生蠔海膽小牛排等貴食材，搭上好多串串燒，又有酒飲。一個人都係食咗四百幾蚊。喺尖東嚟講都算非常值得推介！