The Harmony (已結業)

揸車經過見到新開佐餐廳，外面看落好型格，似西餐廳，但原來係日式料理，午市套餐由$78起，好吸引。九宮盛合，佢有好多不同材料（鮑魚、鮟鱇魚乾、甜蝦、北寄貝、牛肉串燒、沙律及拖羅肉碎飯）擺設精美，好吸晴，每一款都夠新鮮，呢個價錢食到咁多款高質材料，性價比好高。之後嗌左幾款串燒：柚子豚肉蘆筍卷、梅醬北海道五花腩、鹽燒白鱔、雞肉京蔥串，質素亦都好高，特別有我最鍾意嘅食白鱔，夠厚身夠肥美。紐西蘭羊架，佢哋好細心，已經將個羊切碎上，大約五成熟，好嫩滑。