美孚。友樂鮨 (已搬遷) 新店位置

朋友仔同我都好鍾意日式料理，經常會去唔同既日式餐廳，今次搵到美孚有間隱世Omakase ，又係約埋食好西既機會喇☺️Lunchtime去食，叫左Omakase Lunch壽司七貫，仲有壽司十貫。前菜胡麻沙律、菠菜、酸蘿蔔，蔬菜新鮮，酸酸甜甜夠開胃。蘿蔔砌成菊花狀，外形清雅貴麗☺️亦突顯出師傅刀功👍🏻茶碗蒸蒸蛋熱辣辣，食落嫩滑清甜😋加埋冬菇、白蘿蔔、粟米仔，口感清爽。羽太鮟鱇魚肝羽太魚肉質通透鮮甜，入面包裹住軟糯鮟鱇魚肝，味道濃郁甘香，兩樣食材無論口感定味道都配合得好好，再點少少柚子醬油，酸酸地令味道更有層次🤤金目鯛魚皮經過火炙，配埋鮮甜爽口既魚肉😋更加香口深海池魚肉質結實爽口，鮮味十足赤貝入口爽脆，有咬勁，味道非常鮮甜😋北寄貝爽口彈牙，味道鮮甜😋帆立貝（竹碳鹽）竹碳鹽入口酸酸地少少咸，帶出帆立貝既鮮甜，令味道更Fresh😋牡丹蝦（蝦子、咸蛋黃）滿滿既既蝦籽下面係咸蛋黃碎，牡丹蝦非常肥美大隻🤤，食落去味道層次豐富，首先食到蝦籽既微酸，再食到粒粒咸蛋黃既咸香，但鮮牡丹蝦既鮮甜味無因此被蓋過，細爵之下仲食到牡丹蝦獨有既回甘鮮甜😋甜蝦超級鮮甜爽口😍夠晒新鮮鰈魚邊火炙令魚油油脂充分揮發，入口香郁鮮甜