紫醉軒 (已結業)

今日媽咪生日特登搵間靚靚既餐廳去食晚餐慶祝下🤣意外比我發現到依間新開既「紫醉軒」真係不得不讚 裝修好靚好有格調 差啲以為係西餐廳 打卡一流💯欣賞完美景講返野食先！川香陳皮牛肉🧆 食落去口感係特登做得比較有咬口 慢慢細嚼 會慢慢滲出麻辣嘅味道 麻麻辣辣好有層次 好正 有別於平日既水煮牛😍好岩做頭盤開胃菜！薑醋脆鱈魚🐟呢個真係冇得頂 其實我媽平時唔食魚既😂佢竟然會食完一舊自己夾第二舊！係奇蹟呀 薑醋令到成個味道昇華 外面係做到好脆身而入面係好軟綿綿👍🏻加上小小腥味都冇！十分推介棉花帶子泡飯🍲賣相已經好得意 感覺到好吸引🥸d白色波波棉花糖咁入口即溶 而泡飯入面好足料 有細細粒既帶子 菇 西芹粒 等等加起黎味道好濃郁😍撈埋岩岩新鮮炸既脆米一齊食 係勁正又脆口感好豐富！同埋有室外位置可以坐 幾好feel架🥳依家新開優惠晚市全單有八八折👍🏻店員態度十分好亦都好細心 真心快啲要黎試下！