紅茶冰室 (已結業)

幫公司去荃灣見個客，緊係要蛇下王，食返個下午茶先返去繼續搏命啦荃灣大霸街，成條街都係食巿，見依間紅茶冰室，裝修得好時尚，地方又大又光猛，就入去啦我叫咗個炸雞脾併薯皇，因為係即炸，等咗15分鐘，出到嚟，膽卜卜，正到痺啊，d肉又嫩又多汁，夠曬入味啊同事叫咗個常餐，有塊好大嘅豬扒，好冧唔會乾，塊多士真係要比個讚，有少少酥皮嘅感覺，而滑蛋好香濃好滑最正係個菠蘿油，上面d菠蘿皮好脆，件牛油一d都唔吝嗇，滿口嘅油香，真係要冒住塞血管嘅風險都要食啊！