經典古早味蛋糕

營業中

休息中

一向有周圍試古早味蛋糕，可惜有唔少鋪頭都要成條先賣，唔太啱我地呢啲屋企人少少、又關注血糖嘅人士⋯⋯今日行深水埗，見到呢間可以買半條，so good!黑糖合桃、咖啡味都想試，頭痕緊，原來有黑糖合桃咖啡口味，即刻買半條試吓！雪凍左夜晚當宵夜。呢間D蛋糕比其他鋪頭嘅高身，切落去好挺身，但食時都唔會硬，口感綿密。咖啡味好濃，面頭合桃增加口感⋯⋯黑糖部分係夾蛋糕中間嘅兩小條cream，少少「漏」但令蛋糕更香更滑。整體嚟講算高水準！賣蛋糕嘅姨姨好nice。半條$40，如果買2種口味只係加$25！多人開心share會抵好多！下次經過會試其他口味。