德美壽司

營業中

休息中

Item: 德美壽司
Rating: 4
Author: Dark Rum

Sushi Tokumi

226 食評

味道

環境

服務

衛生

抵食

4856

大埔

$101-200

日本菜壽司/刺身

147

Dark Rum

等級1

本身住大埔，平時都會同屋企落街食飯，見依間徳心好似開左冇耐，裝修又唔錯就入左去食。一行四人，叫左一個牛油果沙津，鱆紅魚剌身薄切，赤貝剌身，牛油果軟殼蟹卷，什錦天婦羅，一串牛舌，一串雞腎，鰻魚炒飯。牛油果沙津入面除左菜同牛油果仲有d栗米，三文魚子，海澡，魚碎，幾開胃鱆紅魚薄切，雖然唔係真係好薄，但勝在新鮮，份量足，加埋佢個酸酸地既汁，真係好完美，我宜家先知原來食鱆紅魚點酸酸地既豉油定唔知係汁係咁好味，唔應該點一般或甜豉油。赤貝剌身，十分推介(當時太興奮，好快食左所以冇影到🙈)，超新鮮，入口好鮮味，因為佢係原隻剌身，所以佢d邊邊位會做成迷你卷壽司咁上，加埋d青瓜絲，又另一種口感👍🏻。牛油果軟殼蟹卷，唔錯不過不失，炸軟殼蟹幾脆。什錦天婦羅，我食左一件蝦，一件冬菇，唔知點解我覺得個天婦羅冬菇好食過個大蝦天婦羅，佢同一般天婦羅一樣，有碟專門點天婦羅既汁，但佢特別之處係有一碟類似咖哩盬，有少許咖哩味，又喊喊地咁，點天婦羅又岀奇地好味，第一次試，但覺得依個食法幾好食👍🏻😋。之後既牛舌同雞腎都好唔錯，用左兩款不同既調味黎燒。而鰻魚炒飯就同一般日本餐廳既差唔多。總括黎講，真心覺得依間日本料理好好食，用

本身住大埔，平時都會同屋企落街食飯，見依間徳心好似開左冇耐，裝修又唔錯就入左去食。一行四人，叫左一個牛油果沙津，鱆紅魚剌身薄切，赤貝剌身，牛油果軟殼蟹卷，什錦天婦羅，一串牛舌，一串雞腎，鰻魚炒飯。牛油果沙津入面除左菜同牛油果仲有d栗米，三文魚子，海澡，魚碎，幾開胃

鱆紅魚薄切，雖然唔係真係好薄，但勝在新鮮，份量足，加埋佢個酸酸地既汁，真係好完美，我宜家先知原來食鱆紅魚點酸酸地既豉油定唔知係汁係咁好味，唔應該點一般或甜豉油。赤貝剌身，十分推介(當時太興奮，好快食左所以冇影到🙈)，超新鮮，入口好鮮味，因為佢係原隻剌身，所以佢d邊邊位會做成迷你卷壽司咁上，加埋d青瓜絲，又另一種口感👍🏻。牛油果軟殼蟹卷，唔錯不過不失，炸軟殼蟹幾脆。什錦天婦羅，我食左一件蝦，一件冬菇，唔知點解我覺得個天婦羅冬菇好食過個大蝦天婦羅，佢同一般天婦羅一樣，有碟專門點天婦羅既汁，但佢特別之處係有一碟類似咖哩盬，有少許咖哩味，又喊喊地咁，點天婦羅又岀奇地好味，第一次試，但覺得依個食法幾好食👍🏻😋。之後既牛舌同雞腎都好唔錯，用左兩款不同既調味黎燒。而鰻魚炒飯就同一般日本餐廳既差唔多。
總括黎講，真心覺得依間日本料理好好食，用料食材亦新鮮，見佢一個食評都冇，所以先特意開個account俾個食評佢，而我亦都係第一次寫食評，可能亦都係最後一次哈哈，如果寫得唔太好或有錯字，就請多多包涵🙈 最後補充，我地四人食左大約560$，除番每人一百蚊多d，以佢既食物質素，我覺得算唔錯。希望為此餐廳留下第一個食評，亦真心推介給大家。