YAKINIKU KAKURA (Tower 535)

營業中

休息中

一直都好想食呢間燒肉，和牛係由日本九州直送，食材已經夠原汁原味，環境更加係寬敞企理，十分舒適。 大判燒！黑毛和牛西冷梗係要試吓佢個招牌大判燒！好鮮嫩，入口即溶。點埋蛋汁勁滑，唔洗點用力咬已經可以吞落肚。可以請店員幫手燒，因為火喉控制得好好，唔會太生式者太熟。 黑毛和牛腹前小排油脂分布平均，燒出嚟香氣四溢，肉質腍甜。 黑毛和牛上肋骨中肉限量供應，用醬汁醃製，非常入味。脂肪比例較高，高溫燒烤令牛肉肥而不膩，脂肪部份仲非常脆口。 鹽味上牛舌牛舌味好香，淨係用鹽醃已經吊出鮮甜味。 海鮮拼盤有牛油帆立貝、烏賊同海老，成個錫紙盤放落爐度燒，好有風味。烏賊同海老都十分鮮味。 甜品燒完咁多肉，最後食返個甜品，係杏仁豆腐加雪糕，即刻變得清爽。