CHUTNEY

第二次返嚟食印度菜，呢間餐廳真係令人一試難忘。首先環境裝修得好靚，擺盤精緻，坐落去就有好舒服嘅感覺。食物質素都好好，呢兩次食都有與別不同嘅感覺，好鍾意食佢個naan，鬆軟有口感。下次都再食我哋叫咗咖喱雞，喺度嘅名物。香而不辣，有好多香料調味，雞肉好嫩滑，係廚師啱啱喺廚房度燒出嚟嘅，仲可以見住廚師燒。另外叫咗燒魚，原條上，價錢都好抵。燒得香口有魚味。份量都好大碟，兩個main已經好飽。最後有多個甜品，呢個甜品就普通。建議叫野飲，因為好香嘅水果味同埋新鮮。