影片
更多
2024-12-10
0 瀏覽
今次同大家介紹一間高質嘅韓國燒烤餐廳，食物水準唔錯，職員好友善會過嚟幫你燒烤，仲有一塊特制板俾你燒豬，成個體驗一流！一坐低，先點咗兩杯特色梳打。 柑橘梳打($42)係用香甜嘅柑橘汁調製，氣泡夠足，飲落清爽解膩，配燒肉一流～嗰種微酸微甜嘅味道keep得非常平衡，飲完即刻醒胃！ 梅子青檸梳打($42)就係另一種風味，酸酸甜甜但帶少少鹹香嘅梅子味，仲加咗新鮮青檸片，夠哂清新，完全係燒肉好拍檔。 濟州黑毛豬梅花肉（M）($268)黑毛豬梅花肉真係餐廳嘅重頭戲之一！佢啲豬肉有啲肥瘦相間嘅紋理，燒完之後香氣超勁，口感仲有啲彈牙。濟州黑毛豬本身啲肉味好濃，唔需要太多醬料，試吓點芥末醬丫😋食堂豬皮($88)一睇豬皮就知係經過精心處理，燒10秒啱啱好，表面微微焦香但唔會太硬，咬落柔軟又煙韌。豬皮仲有嗰啲膠質感，食到停唔到口，本身已配特製醬料更加一絕！月見牛肩肉($238)月見牛肩肉其實係將牛肩肉切到薄薄一片，燒完之後再拌埋生蛋黃一齊食，嗰個滑溜溜嘅蛋黃包住牛肉，入口好軟滑，肉質嫩滑得嚟仲有濃郁嘅牛香味👍牛胸肉($98)牛胸肉帶少少筋位，燒完啲油脂滲出嚟，肉質又鬆又香，口感唔會太韌，啱啱好韓式炒粉絲（M）
一坐低，先點咗兩杯特色梳打。
柑橘梳打($42)
係用香甜嘅柑橘汁調製，氣泡夠足，飲落清爽解膩，配燒肉一流～嗰種微酸微甜嘅味道keep得非常平衡，飲完即刻醒胃！
梅子青檸梳打($42)
就係另一種風味，酸酸甜甜但帶少少鹹香嘅梅子味，仲加咗新鮮青檸片，夠哂清新，完全係燒肉好拍檔。
濟州黑毛豬梅花肉（M）($268)
黑毛豬梅花肉真係餐廳嘅重頭戲之一！佢啲豬肉有啲肥瘦相間嘅紋理，燒完之後香氣超勁，口感仲有啲彈牙。濟州黑毛豬本身啲肉味好濃，唔需要太多醬料，試吓點芥末醬丫😋
食堂豬皮($88)
一睇豬皮就知係經過精心處理，燒10秒啱啱好，表面微微焦香但唔會太硬，咬落柔軟又煙韌。豬皮仲有嗰啲膠質感，食到停唔到口，本身已配特製醬料更加一絕！
月見牛肩肉($238)
月見牛肩肉其實係將牛肩肉切到薄薄一片，燒完之後再拌埋生蛋黃一齊食，嗰個滑溜溜嘅蛋黃包住牛肉，入口好軟滑，肉質嫩滑得嚟仲有濃郁嘅牛香味👍
牛胸肉($98)
牛胸肉帶少少筋位，燒完啲油脂滲出嚟，肉質又鬆又香，口感唔會太韌，啱啱好
韓式炒粉絲（M）($92)
韓式炒粉絲絕對係燒肉嘅最佳配角，啲粉絲炒得好乾身唔油膩，仲吸晒醬汁嘅精華。每一啖都充滿濃濃嘅甜鹹韓式風味，配埋啲蔬菜同菇類，清新之餘又夠惹味，好好味！
最後甜品真係畫龍點睛：
焦糖布甸($45)
超滑溜，布甸質感細膩得不得了，焦糖層香濃但唔會太甜，每一啖都係濃郁嘅幸福感
芝士蛋糕配雪糕($55)
就係另類選擇，芝士蛋糕入口香濃綿密，唔會過重，配埋vanila雪糕更加係完美組合，一冷一滑，甜而不膩，幫你完美收尾。
張貼
