影片
更多
2013-11-09
1570 瀏覽
莫師傅係我認識的廚師之中最出色的一個, 又煮得, 又talk得, 又睇得, 型到爆, 知識廣博又富幽默感. 佢既鐵板燒係我有生以來食過最好味的. 最近莫師傅係大坑開左間小店自己做老闆, 我當然要黎捧下場, 成年無試佢既手勢, 今晚一次過食晒佢既招牌菜, 再加幾味新菜式, 真係不得了, 好味到隔左兩個星期都仲好掛住, 好想再食.先黎頭盆 - 三種刺身, 有拖羅, 海膽同赤貝. 超級靚料同勁新鮮就不在話下, 最可愛係海膽的 presentation. 用青瓜挖空個兜放入海膽, 側邊插住支開叉的竹籤, 夾住兩塊紫菜, 俾你自己包住d海膽食, 成個造型好似隻帆船仔咁, so cute!跟住係鍋燒喜知次伴大蜆, 呢味菜式係鐵板燒同鍋燒既混合體, 先將厚厚的喜知次魚柳用鐵板煎香, 大蜆就放入鍋中加大量清酒在旁邊一路煎魚一路煮蜆, 當魚煎至半熟再放入鍋中焗一焗, 個汁吸收晒大蜆既鮮甜同喜之次既魚油香味, 魚肉又香又滑, 睇晒成個烹調過程直到上碟, 令人更加期待, 真係好精彩.跟住落黎係一味超乎常人可以炮製得到的菜色 - 波士頓龍蝦伴忌廉汁, 龍蝦看似是鐵板燒很普遍的菜式, 特別在於師傅的細心和耐力,
先黎頭盆 - 三種刺身, 有拖羅, 海膽同赤貝. 超級靚料同勁新鮮就不在話下, 最可愛係海膽的 presentation. 用青瓜挖空個兜放入海膽, 側邊插住支開叉的竹籤, 夾住兩塊紫菜, 俾你自己包住d海膽食, 成個造型好似隻帆船仔咁, so cute!
跟住係鍋燒喜知次伴大蜆, 呢味菜式係鐵板燒同鍋燒既混合體, 先將厚厚的喜知次魚柳用鐵板煎香, 大蜆就放入鍋中加大量清酒在旁邊一路煎魚一路煮蜆, 當魚煎至半熟再放入鍋中焗一焗, 個汁吸收晒大蜆既鮮甜同喜之次既魚油香味, 魚肉又香又滑, 睇晒成個烹調過程直到上碟, 令人更加期待, 真係好精彩.
跟住落黎係一味超乎常人可以炮製得到的菜色 - 波士頓龍蝦伴忌廉汁, 龍蝦看似是鐵板燒很普遍的菜式, 特別在於師傅的細心和耐力, 因為師傅一邊煎龍蝦, 一邊用手小心奕奕地逐小逐小塊地去掉龍蝦拑的殼, 以保持肥美龍蝦拑的完整, 其高溫接近沸點, 真係差D連雙手都熟埋, 啖啖龍蝦肉再配埋個超級濃郁的蝦羔醬汁, 食時諗返起頭先師傅去殼果陣熱到彈下彈下個樣, 佢地為左炮製美食俾客人品嚐而作出偉大的犧牲, 好感動呢!
跟住係萬眾期待既主角出場 – 特選A5和牛鐵板燒, 食鐵板燒必點的和牛, 莫師傅選用日本佐賀和牛, 烹煮之前先俾客人欣賞一下成件和牛未切之前個樣, 在場人士即刻嘩聲四起, 淨係睇佢D雪花紋已經知道係頂級靚貨, 師傅隨即手起刀落, 將大大舊牛肉一邊煎一邊切成小件, 一路飄來陣陣香氣. 師傅在端上牛肉之前先送上配菜炸蒜片, 好大塊的蒜片, 有成個一蚊銀咁大, 原來係用日本靚蒜, 好香好脆, 食完都唔會成陣口氣, 我未食牛肉已經食蒜食到唔停得口. 將熱辣辣香噴噴的和牛送進咀裡, 合上眼慢慢咀嚼, 油脂滲透在牙縫之間, 又是一陣感動.
再落黎已接近餐宴的尾聲, 就係鐵板炒飯和麵豉湯, 估唔到呢個鐵板炒飯竟然帶來另一個高潮, 兩位師傅同時表演, 淨係睇佢地一齊落蛋一齊舉起鐵鏟, 鐵鏟與鐵板互相拷打撞擊發出鏗鏘的聲音, 果下功架真係殺死人, 全場女士都在尖叫, 好似小粉絲見到偶像一樣, 一舉手一投足, 太興奮了.
高潮過後終於來到餐牌上最後一道菜 – 果物, 是溫室蜜瓜和巨峰葡萄. 日本溫室蜜瓜之多汁與鮮甜, 真係無其他水果可以媲美. 最驚喜是旁邊晶瑩剔透, 軟軟甜甜的白酒 jelly, 味道香濃帶點醉意, 令人留下美好回憶.
鐵板燒之奧妙就如一場精彩演出, 莫師傅和他的廚師團隊在這個鐵板舞台大放光明, 整個晚上高潮迭起, 興奮指數爆燈, 心思思一定會再來.
張貼
