影片
更多
2017-08-31
575 瀏覽
由深水埗站行過來, 經過那間..旺到無可能再旺的高登黃金商場..., 只是一街之隔, 這裡是天壤之別, 靜到暈..., 狗吠貓叫..都有三四下回音, 餐廳對到正... 新過吓既樓盤...海峰, 原來我已經十年無行過嚟呢邊, 零八年落成的前一年, 曾經嚟睇過地盤, 與現在的鈉米樓比較, 這已經算是大單位, 甚至有過千呎, 方向好的, 不下二千萬..., 與最愛去的高登黃金的窮L, 成雙成趣... 哈哈...門口貼晒宣傳招紙, 有報章介紹, 也有CCTVB台訪問..., 見到人見人愛...車見車載既...細細粒但大大隻既小寶... 好似係...法國貨, Bordeaux, Laubes 酒莊, 老實講, 如果飲平價紅酒, 舊世界 vs 新世界, 一定揀新世界, 澳洲智利等出品, 起碼穩穩陣陣, 但如果是白酒, 平價法國貨, 中伏比率甚低, 尤其是普通過普通既 Sauvignon Blanc, 出事的機會率接近零. 當然, 由我等無料之士亂噏, 大家一定無信心, So..., Parker講既, 算有些保證吧.... Complex, varietal, subtly woody, wit
由深水埗站行過來, 經過那間..旺到無可能再旺的高登黃金商場..., 只是一街之隔, 這裡是天壤之別, 靜到暈..., 狗吠貓叫..都有三四下回音, 餐廳對到正... 新過吓既樓盤...海峰, 原來我已經十年無行過嚟呢邊, 零八年落成的前一年, 曾經嚟睇過地盤, 與現在的鈉米樓比較, 這已經算是大單位, 甚至有過千呎, 方向好的, 不下二千萬..., 與最愛去的高登黃金的窮L, 成雙成趣... 哈哈...
門口貼晒宣傳招紙, 有報章介紹, 也有CCTVB台訪問..., 見到人見人愛...車見車載既...細細粒但大大隻既小寶... 好似係...
法國貨, Bordeaux, Laubes 酒莊, 老實講, 如果飲平價紅酒, 舊世界 vs 新世界, 一定揀新世界, 澳洲智利等出品, 起碼穩穩陣陣, 但如果是白酒, 平價法國貨, 中伏比率甚低, 尤其是普通過普通既 Sauvignon Blanc, 出事的機會率接近零. 當然, 由我等無料之士亂噏, 大家一定無信心, So..., Parker講既, 算有些保證吧.... Complex, varietal, subtly woody, with aromas of grapefruit, pineapple, vanilla. Balanced between acidity and roundness..., 大家飲完評審下有幾真吧...
揀完酒, 再來火鍋必備調味料, 就咁樣樣..., 新鮮食材, 無需大多花臣了, 今晚, 我只揀了醬油與辣椒絲...
今晚湯底, 好長..., 我無睇過餐牌, 友人order, 我作既: 無花果栗米野菌蟲草花瘦肉湯, 真係好Q長, 先吸啖氣, 可以一口氣讀完..., 不過, 唔夠氣都無問題, 蟲草花 就係滋陰補氣, 陣間飲多兩碗...
可能隻蟹...實在太正, 無等埋就我開餐, 留翻隻巨型蟹爪比我, 肉質鮮味而輕度彈口, 蟹肉不宜蘸太多的豉油, 否則搶味太甚, 最好用筷子黐些少豉油落蟹肉, 就啱啱好了.
餐牌上寫著"蘇格蘭蟶子王", 香港海鮮...出現"蘇格蘭"這地名, 真是很少見, 而據聞..., 英國對蟶子需求很少, 當地捕捉到的蟶子, 大部份都外銷, 當然最大市場一定係中國和香港..., 但又據聞... 當地在上年已經開始實施禁止隨意出口蟶子到東亞地區..., 但用甚麼方式來禁止, 就不得而知了... 巨型蟶子, 原隻上檯, 蟶子殼太長太大, 無法一併放入鍋內, 要預先用刀拆肉, 才用湯灼熟, 醮些辣椒醬油, 入口, 彈牙度高, 鮮味一流.
餐廳內的牆上, 貼著推銷新酒, 介紹最新入貨"黃酒", 一聽黃酒, 理所當然諗起中國黃酒, 但這枝好特別, 係法國貨, 即係...法國黃酒, 連招紙上也寫住篆書格式的"黃"字, 味道與剛才的白酒, 口味完全不同, 米酒的味道, 但帶些少花香, 網上查一查..., 話係"玫瑰花", 花的味道, 我真係識條鐵, 留翻比女士慢慢品嚐..., 我都係揀翻頭先枝白酒... 哈哈哈哈...
餐紙上有三款手切肥牛, 有最平最普通的"手切肥牛" $128, 中價的"頂級手切肥牛" $198, 和最貴的"至尊手切肥牛$338. 普通人... 如我等庸俗消費者..., 當然係揀中間價錢既"頂級手切肥牛"吧... 哦哦..., 放湯灼一灼, 個人風格, 喜歡八成熟以上, 成日比人笑...食得太熟, 浪費了靚牛肉..., 無辦法, 我一見血 會暈... 哎...
手打鮮蝦丸, 這店的手打丸系列, 好特別, 通常一般火鍋店的訂價, 雙併、三併、或四併, so.. 四併即是四寶丸啦..., 會特別貴, 但這裡剛相反, 四寶丸的價格, 比單叫鮮蝦丸和單叫鮮墨魚丸的價格還平了十元, 估計是蝦丸和墨魚丸的質素, 應該屬於高級貨吧... 那我們就只叫這兩種吧... 蝦丸, 入口, 高水準, 彈牙的蝦膠中混了蝦粒碎, 口感寧捨好食.
手打墨魚丸, 與手打蝦丸一樣, 屬於貴價鮮丸系列, 不可錯過, 墨魚肉豐富, 味道夠重, 千企唔好用那些濃味醬料, 只需簡單的辣椒醬油, 就最好味了.
餐紙上寫"自製韭菜餃", 落單時... 也攪笑地再問了店長, 真係自家製? 絕非那種一般火鍋入貨式出品...? 咁巴閉, 就試吓囉... So, 都無失水準, 皮薄餡大, 韭菜...並非如我期待的一厘米長度, 而是接近一吋長, 友人問: 這重要嗎...?? 好重要囉... 你唔識食..唔好問咁多啦! 哈哈哈...
原來9:30後, 有八折, 啱晒我這等孤寒友, 下次9:30後先嚟... 哈! 還有少少攪笑的.. "全日免收加一", 用貼紙貼咗個"免"字..., 變咗"全日X收加一", 不如貼晒全句好過啦... 哈哈哈哈...
張貼
