影片
更多
2021-04-26
1850 瀏覽
放工去咗銅鑼灣搵舊同事食飯，佢對中菜情有獨鍾，於是捉埋我去「顏府御膳」食晚飯。佢話之前公司開年飯食過覺得唔錯，等我又試下先🥢。餐廳位於Cubus大廈，同幢有唔少日本菜高級食府，而顏府亦係行同一高檔次路線✨。餐廳環境瑰麗有氣派，當中有唔少廂房。店員服務態度非常好，專業有禮。佢哋會留意客人嘅進食速度，並安排好上菜嘅次序👍。餐前小食係核桃，另外更有一碟秘製XO醬，夠辣夠惹味。茶芥方面，每位收費$20🍵。鮑汁鳳爪($88)，我自己就好少嗌鳳爪食，但朋友話一定要嚟啜下喎🙈。鳳爪有好多隻，大大隻、好飽滿，最重要係炆得好入味。鮑汁鹹香味十足，但又唔會重口味，兼且溫度夠熱，特別好食。藤椒木耳($78)，木耳係比較大路嘅前菜款式，整體幾有水準兼開胃。木耳爽口，藤椒滲出麻香滋味🌶，辣度同麻度均令人易於接受，面頭仲落咗啲芝麻粒添。是日保健老火湯款式係赤小豆粉葛煲鯪魚湯，赤小豆湯係春季時令湯水，而家飲啱哂！湯品清澈無油無味精，藥材味唔強，鯪魚味唔腥，簡單啲講就係好飲🤤，質素甚至比起自家煲還要正。蟹肉桂花炒瑤柱($248)，金黃色嘅造型相當吸引💛，兼且非常大碟。菜名所寫嘅「桂花」實則係指炒蛋，叫桂花係因為炒蛋炒
放工去咗銅鑼灣搵舊同事食飯，佢對中菜情有獨鍾，於是捉埋我去「顏府御膳」食晚飯。佢話之前公司開年飯食過覺得唔錯，等我又試下先🥢。
餐廳位於Cubus大廈，同幢有唔少日本菜高級食府，而顏府亦係行同一高檔次路線✨。餐廳環境瑰麗有氣派，當中有唔少廂房。
店員服務態度非常好，專業有禮。佢哋會留意客人嘅進食速度，並安排好上菜嘅次序👍。餐前小食係核桃，另外更有一碟秘製XO醬，夠辣夠惹味。茶芥方面，每位收費$20🍵。
鮑汁鳳爪
$88
7 瀏覽
1 讚好
0 留言
藤椒木耳($78)，木耳係比較大路嘅前菜款式，整體幾有水準兼開胃。木耳爽口，藤椒滲出麻香滋味🌶，辣度同麻度均令人易於接受，面頭仲落咗啲芝麻粒添。
赤小豆粉葛煲鯪魚湯
1 瀏覽
1 讚好
0 留言
蟹肉桂花炒瑤柱
$248
6 瀏覽
1 讚好
0 留言
蟹肉桂花炒瑤柱($248)，金黃色嘅造型相當吸引💛，兼且非常大碟。菜名所寫嘅「桂花」實則係指炒蛋，叫桂花係因為炒蛋炒至碎碎、變成細細粒，就好似桂花一樣。🥚炒蛋以外，仲有蟹肉絲同瑤柱等🦀，兩者味道鮮甜，成個組合好搭調，撈起上嚟好鬼香。炒桂花當中亦落咗芽菜，以增添口感。
肉絲煎兩面黃
$188
12 瀏覽
0 讚好
0 留言
芡汁夠厚，但又唔會滑潺潺，而且低油份。🐷肉絲同冬菇等配料嘅份量恰到好處，配麵食剛好，更難得嘅係佢無葱絲同韭黃，完全符合我口味。
煎兩面黃口感香脆，煎得好均勻，唔會遺留任何一條係煮唔開或硬硬的。就咁食同配芡汁食各有特色，而最正宗食法就梗係要沾埋醋食啦😜。
總括嚟講，餐廳定價貴，不過確係物有所值，食物質素極有水準💯，我哋都好滿意。呢度嘅食物出品份量多，適合一班人嚟幫襯，兩個人食就會好似我哋咁，食唔到幾多款。所以如果有Tasting Menu或者會係一個唔錯嘅選擇哦～。最後，我上載埋餐廳嘅完整餐牌以供參考🙏🏻。
張貼
