Jack's Terrazza Ristorante

營業中

休息中

黎到大尾篤踏完單車，肚餓唔知食咩好，最岩黎呢間西餐廳，環境氣氛唔錯，交通又方便，旁邊就有個大型停車場，自己開車黎又得，又可以坐巴士同小巴。非常方便。一入到去餐廳，已經聽到好好聽既歌曲，live band，加上服務員非常熱情既招待，非常專業咁介紹，真係好親切。一開始我地叫左個西湯，非常足料，香濃既西湯加上香脆可口既法包，同出面其他餐廳一啲都唔一樣，非常香口再黎緊係唔小得既前菜，沙律開開胃啦，加咪特別既dressing,美味香甜，蔬菜非常之新鮮，食落好爽口。終於到左最主打既時候，今次我地試左呢個羊排餐，食落肉汁非常多，一啲都唔會油膩，入口即溶，點小小秘製醬汁非常之野味，非常特出既肉味，非常新鮮，而且肥瘦適中，口感一流。最後叫左個飯後甜品，草莓芝士蛋糕同咪藍莓木糠芝士蛋糕，芝士味十分濃厚而不油膩。食完之後叫多杯奶茶，加點牛奶。真係天作之合。一邊聽歌，一邊享受奶茶。每當五六日都有live band,平日工作既市區生活真係好累，假日最岩帶咪一班朋友仔或情侶黎享受呢間餐廳啦，真係無介紹錯，一定要黎試下。