影片
更多
2018-12-05
267 瀏覽
一直久仰元朗鮨文大名，終於有時間又卜到枱去食。地點喺鬧市嘅小巷，喺康樂路輕鐵站一落車往惠康方向行，到涼茶舖右轉就到。一入去就見到兩位師傅喺度忙碌，食廚師發辦最開心莫過於睇住佢哋將食材轉化為美食嘅過程。坐底就有蒸蛋食，汁鮮蛋滑，賣相仲好精美。冬松珍蠔，大大隻又厚肉，入口非常之爽口，師傅係上面加咗橘子汁，食完飲啖茶就可以沖走蠔嘅潺，齒頰留香之餘仲會回甘。之後係深海池魚，裡面包住水種葱，佢得葱香味但冇辛味，口感豐富有趣。另一塊係野生鰤魚，用炭火網燒，食嘅時候點少少芥末，鮮甜美味。再嚟就係鰹魚刺身，佢味道比較濃郁，師傅話重鐵質又新鮮嘅魚食到尾會有少少酸味，加上捲葱，濃厚得嚟又唔會覺膩。時令白子加上少少柚子皮同酸汁，表面微微燒過，香濃幼滑。第一次食香箱蟹，又名勢子蟹，11月先解封。師傅採用蟹乸製成凍蟹，清甜可口又顯清新。大拖羅，師傅燒完再將佢嘅魚油倒返入去，口感油潤，味道香得嚟唔霸道，仲食到芥末甜味。白麵豉汁配上煎炸過嘅鱸魚，魚肉鮮滑細緻，加上甘甜嘅日本蘿蔔。針魚魚生上有芝麻同紅莓醬，本身魚身爽口肉甜，做成壽司非常美味。之後係燒香咗銀鱈魚，油份重，配上柚子胡椒，令佢食落有啲柚子香，最後仲有少少辣
一入去就見到兩位師傅喺度忙碌，食廚師發辦最開心莫過於睇住佢哋將食材轉化為美食嘅過程。
坐底就有蒸蛋食，汁鮮蛋滑，賣相仲好精美。
冬松珍蠔，大大隻又厚肉，入口非常之爽口，師傅係上面加咗橘子汁，食完飲啖茶就可以沖走蠔嘅潺，齒頰留香之餘仲會回甘。
之後係深海池魚，裡面包住水種葱，佢得葱香味但冇辛味，口感豐富有趣。另一塊係野生鰤魚，用炭火網燒，食嘅時候點少少芥末，鮮甜美味。
再嚟就係鰹魚刺身，佢味道比較濃郁，師傅話重鐵質又新鮮嘅魚食到尾會有少少酸味，加上捲葱，濃厚得嚟又唔會覺膩。
時令白子加上少少柚子皮同酸汁，表面微微燒過，香濃幼滑。
第一次食香箱蟹，又名勢子蟹，11月先解封。師傅採用蟹乸製成凍蟹，清甜可口又顯清新。
大拖羅，師傅燒完再將佢嘅魚油倒返入去，口感油潤，味道香得嚟唔霸道，仲食到芥末甜味。
白麵豉汁配上煎炸過嘅鱸魚，魚肉鮮滑細緻，加上甘甜嘅日本蘿蔔。
針魚魚生上有芝麻同紅莓醬，本身魚身爽口肉甜，做成壽司非常美味。
之後係燒香咗銀鱈魚，油份重，配上柚子胡椒，令佢食落有啲柚子香，最後仲有少少辣味。金目鯛非常驚喜，配上俄羅斯藍寶石魚子醬，味道上又唔會喧賓奪主。赤貝新鮮，趁佢未拿埋一舊嘅時候放入口，爽。鱆紅魚腩油份香，燒香咗嚟食都非常美味。
爆滿嘅海膽杯，仲可以一嚐特別競標嘅白海膽，超香濃，一啲苦味都冇，新鮮，滑身。
仲有幾種魚（白身魚魚頭魚骨）煮成嘅魚湯，奶白湯身，魚味香郁。右口魚油份都非常重，配上少許飯做成手捲，非常香口。最後一道日本蜜瓜，係依個晚餐完美又甜蜜嘅味道。
張貼
