影片
更多
2017-07-11
202 瀏覽
今日同朋友經過銅鑼灣去左呢間新開的磯野水產慶祝生日。 餐廳位置非常方面，地鐵站一出行幾步就到。 餐廳門口環境好有日式味道，入面就不算好大，我地被安排坐喺師傅前面，可以睇到師傅表演同食材有幾新鮮。 我地決定由店員發板，幫我地安排當日的食物。 前菜首先有蔬菜條伴多春魚醬，醬料好濃的海鮮味，好貼心地有一個小蠟燭放左喺下面保持醬微暖，唔會因爲凍而變腥。 再有另一個前菜，滑子菇蟹肉沙律。厚厚的蟹肉有4條，沙律菜上面佈滿滑子菇，口感有少少潺，好特別，配合類似泰式辣醬做沙律汁，十分開胃。 之後係磯野刺身盛合五款，有吞拿魚腩，帶子，三文魚，赤蝦，油甘魚各兩片。魚生係厚切，口感厚實，鮮味十足，果然一分錢一分貨！ 到重點磯野海鮮盛合-特撰。盛合入面有龍蝦，蟹，帶子X2，鮑魚X2，赤蝦X2，大蜆X2，全部都非常新鮮，仲識郁！師傅會安排不同海鮮用不同烹調方法。 每一樣都非常好食！ 個人最鐘意係龍蝦刺身，非常爽口彈牙，味道又鮮甜。食完個殼仲痴住少少龍蝦肉，師傅會加上味噌，麵包糠，蔥花同龍蝦肉撈埋一齊燒，好惹味！一蝦兩食夠特別！ 另外一道印象最深刻既就係蟹粥(+$100)，師傅會先用用清湯將蟹煮，然後加入飯其他菜
餐廳位置非常方面，地鐵站一出行幾步就到。
餐廳門口環境好有日式味道，入面就不算好大，我地被安排坐喺師傅前面，可以睇到師傅表演同食材有幾新鮮。
我地決定由店員發板，幫我地安排當日的食物。
前菜首先有蔬菜條伴多春魚醬，醬料好濃的海鮮味，好貼心地有一個小蠟燭放左喺下面保持醬微暖，唔會因爲凍而變腥。
野菜條沙律伴多春魚醬
13 瀏覽
0 讚好
0 留言
再有另一個前菜，滑子菇蟹肉沙律。厚厚的蟹肉有4條，沙律菜上面佈滿滑子菇，口感有少少潺，好特別，配合類似泰式辣醬做沙律汁，十分開胃。
滑子菇蟹肉沙律
4 瀏覽
0 讚好
0 留言
之後係磯野刺身盛合五款，有吞拿魚腩，帶子，三文魚，赤蝦，油甘魚各兩片。魚生係厚切，口感厚實，鮮味十足，果然一分錢一分貨！
磯野刺身盛合
13 瀏覽
0 讚好
0 留言
到重點磯野海鮮盛合-特撰。盛合入面有龍蝦，蟹，帶子X2，鮑魚X2，赤蝦X2，大蜆X2，全部都非常新鮮，仲識郁！
師傅會安排不同海鮮用不同烹調方法。 每一樣都非常好食！
白酒煮大蜆
12 瀏覽
0 讚好
0 留言
白酒煮大蜆
7 瀏覽
0 讚好
0 留言
天婦羅大蝦
8 瀏覽
0 讚好
0 留言
璣燒大扇貝
8 瀏覽
0 讚好
0 留言
個人最鐘意係龍蝦刺身，非常爽口彈牙，味道又鮮甜。
龍蝦刺身
22 瀏覽
0 讚好
0 留言
食完個殼仲痴住少少龍蝦肉，師傅會加上味噌，麵包糠，蔥花同龍蝦肉撈埋一齊燒，好惹味！一蝦兩食夠特別！
味噌燒龍蝦
9 瀏覽
0 讚好
0 留言
另外一道印象最深刻既就係蟹粥(+$100)，師傅會先用用清湯將蟹煮，然後加入飯其他菜粒去煲成粥。煲好之後，師傅仲好細心幫我地拆埋蟹肉放番上粥面。個粥係我食過最好食既，十分鮮味，就算已經食到好飽都想食哂成碗。
蟹粥 (+ $100)
7 瀏覽
0 讚好
0 留言
5 瀏覽
0 讚好
0 留言
慶祝生日當然要叫支酒啦，餐廳有位店員係有清酒牌，對酒好有研究，會好細心咁解釋每一隻酒比我地聽，最後佢幫我地揀左呢支。飲落有淡淡既蜜瓜同雪梨味，好易入口，岩哂女仔飲!
18 瀏覽
0 讚好
0 留言
最後食到好飽，都比呢個南瓜蛋糕吸引。南瓜好軟好滑，淡淡的Cream味，外貌平平無奇既佢估唔到有咁大驚喜!
南瓜蛋糕
13 瀏覽
0 讚好
0 留言
總括黎講，雖然呢餐真係唔平，但食物質素十分高，可以話係物超所值! 而且服務好好，每個店員都好有禮貌又風趣，成餐飯都好開心，大滿足!
張貼
