麒藝館 (已結業)

難得老公過黎港島做野，老公最鍾意食中餐，特別搵左間高級中菜館～麒藝館同佢撐枱腳。麒藝館門口有師父表演燒乳豬，聽講呢度出名無花果乳豬。呢度樓底極高，座位寬敞，侍應帶我地坐到偏廳坐，私隱度高，啱晒我地談心。先黎開茶，茶葉有好多選擇，老公要鐵觀音，我要玫瑰花茶。侍應介紹我地一個好豐富好超值既佛跳牆套餐。蝦餃燒賣濃湯花膠佛跳牆湯料好豐富，有花膠，鮑魚，竹生，元貝等等，湯頭好鮮甜。黑叉燒叉燒配上魚䰵醬提鮮，叉燒好林，肥瘦比例剛好。清脆玲瓏甜豆炒鮮白合木耳腰果，清鮮健康。雞樅菌海鮮炒飯炒飯功夫了得，炒到一粒粒又吾會乾硬。薑茶湯圓糖水最後食埋薑茶湯圓，為呢餐豐富既午餐作完美的總結。