影片
更多
2018-02-15
240 瀏覽
呢棟大廈向來都有好多唔同種類嘅餐廳選擇，日本嘢又有，西餐又有。好耐冇食過日本嘢喇，所以今次決定入嚟呢間餐廳試下。因為喺門口見到餐牌唔錯，而且上網睇食評知道呢間嘢都好多人食過，所以想入嚟試下。 一入到去職員就畀咗卡位我哋坐，招呼好好。環境方面，座位好寬敞，暗暗嘅燈光都令到晚餐好有氣氛，而且職員好有禮貌，食物都好有水準，令晚餐已經有一個好舒服嘅開始。 今次我哋叫咗好多唔同款式嘅食物， 每樣食物份量都啱啱好， 對於一個唔大食嘅我嚟講今次可以話係好滿足之餘又唔會過飽，更加想下次再返嚟試下其他唔同款式嘅嘢食㖭!首先，我哋叫咗一板海膽。海膽好新鮮，色澤好靚，呈淡黃色嘅海膽非常吸引!配埋紫菜真係好夾，而且食落去口感一流 ，食完可以話係好滿足，佢嘅份量仲要足夠添!我哋亦都叫咗唔同款式嘅串燒， 其中包括有免治雞肉，豬肉露筍串， 牛舌同埋牛柳粒。每種串燒都各有特色，而且啲串燒仲可以加埋佢特製嘅醬汁，真係好好味㗎!鍾意食鹹啲嘅話，更加可以加埋啲自家製嘅鹽添😍當中我最欣賞嘅就係牛舌，牛舌燒得啱啱好熟透 ，好有咬感 ，而且入口即溶， 鹹味亦都調教得好好，更加燒得一d都唔油膩。大多數我食嘅牛舌都係好韌，今次嘅牛舌
一入到去職員就畀咗卡位我哋坐，招呼好好。環境方面，座位好寬敞，暗暗嘅燈光都令到晚餐好有氣氛，而且職員好有禮貌，食物都好有水準，令晚餐已經有一個好舒服嘅開始。 今次我哋叫咗好多唔同款式嘅食物， 每樣食物份量都啱啱好， 對於一個唔大食嘅我嚟講今次可以話係好滿足之餘又唔會過飽，更加想下次再返嚟試下其他唔同款式嘅嘢食㖭!
馬糞海膽
$148
25 瀏覽
1 讚好
0 留言
首先，我哋叫咗一板海膽。海膽好新鮮，色澤好靚，呈淡黃色嘅海膽非常吸引!配埋紫菜真係好夾，而且食落去口感一流 ，食完可以話係好滿足，佢嘅份量仲要足夠添!
免治雞肉串
$58
23 瀏覽
0 讚好
0 留言
露荀豬肉卷
$32
22 瀏覽
0 讚好
0 留言
黑牛頂業片
$68
31 瀏覽
0 讚好
0 留言
我哋亦都叫咗唔同款式嘅串燒， 其中包括有免治雞肉，豬肉露筍串， 牛舌同埋牛柳粒。每種串燒都各有特色，而且啲串燒仲可以加埋佢特製嘅醬汁，真係好好味㗎!鍾意食鹹啲嘅話，更加可以加埋啲自家製嘅鹽添😍當中我最欣賞嘅就係牛舌，牛舌燒得啱啱好熟透 ，好有咬感 ，而且入口即溶， 鹹味亦都調教得好好，更加燒得一d都唔油膩。大多數我食嘅牛舌都係好韌，今次嘅牛舌可以話係驚喜地好食!
龍蝦
$298
30 瀏覽
0 讚好
0 留言
今晚最滿足嘅可以話係隻龍蝦， 佢畀咗兩份半隻龍蝦我哋 ，但係半隻龍蝦肉質嘅分量就已經好似我平時食開一隻龍蝦咁多😋食落去啖啖肉，最欣賞嘅就係佢上面搽咗一層芝士嘅醬汁 ，同龍蝦嘅味道好配合，但係又唔會蓋過咗龍蝦嘅鮮味。龍蝦肉質彈牙爽口，佢嘅味道真係一流。對於一間日式店舖黎講，呢間煮龍蝦可以話係高水準之作!
鹽燒春魚
$278
22 瀏覽
0 讚好
0 留言
除此之外，我哋仲叫咗鹽燒春魚 。春魚肉質好滑之餘仲好有咬感， 層皮煎得好香好脆，加埋佢旁邊嘅酸汁， 好夾😍 而且食落去一啲都唔油膩，反而食到春魚嘅鮮味添!
明太子雞翼
$58
22 瀏覽
0 讚好
0 留言
最後我哋叫咗個明太子雞翼試下。 裏面係一粒粒嘅魚籽， 估唔到一隻雞翼裏邊都可以裝到咁多魚籽， 味道嘅層次感好豐富，好特別 。鍾意食雞翼嘅朋友可以一試 。
八千代白
$65
20 瀏覽
0 讚好
0 留言
黎到呢啲高級嘅日本餐廳，當然要試下佢嘅嘢飲。我哋叫咗一杯酒同埋兩支果汁汽水， 杯酒佢話係以雪梨桶酒製成，飲落去好清甜，我大多食完每一道菜再飲一小啖酒， 一小杯已經足夠慢慢飲一整晚。
白桃梳打
$38
21 瀏覽
0 讚好
0 留言
另外，我哋仲叫咗巨峰提子梳打同埋白桃梳打。 兩杯飲品嘅甜度好適當 ，梳打再加埋果汁嘅味道有解渴之效，呢兩杯令到我哋今次嘅晚餐食得好暢快 !
總括嚟講呢間餐廳嘅食物質素好好，每樣食物無論係味道，口感，定係所配合嘅醫汁都搭乘得相當之好。下次想豪食一次高質嘅日本菜，一定要黎呢間咁好環境咁好服務嘅餐廳!
張貼
