寬巷子 (已結業)

店舖坐落於靚靚地段，可以一邊望住維多利亞港睇靚景食好野，餐廳裝修好得意帶古色古香感覺，門口有道古代嘅大門，好似穿越時空，，未坐低已好期待。「東方美人」豚骨鍋用豬骨豬手做火鍋湯底，入面仲有豆腐、鴨血，湯底好足料。鳳梨酥非常特別，係手工豆腐，加入鮮蝦、豬肉、花枝滑等等而成。本來以為只係外型似鳳梨酥，原來咬開又係真係有鳳梨肉，香香甜甜咁。係店舖新推介，放入鍋入面煮4分鐘就可以食，建議唔好過火，會令啲鮮味滾曬落湯。手握壽司滑盛合好吸引，海鮮滑整到好似壽司咁，個樣幾可亂真，有一刻諗過直接食~入面有鮑魚、鮮蝦、牛肉、豚肉各兩件，咁就大家都岩食唔洗爭。非常推介鮑魚，大大粒鮑魚放係上面，成粒爽口彈牙，唔會成口味精嘅感覺。肩胛肉高質，新鮮柔軟有肉味，色澤分明，脂肪少肉味重。伊比利亞黑毛豬帶少少脂肪邊，食嘅時候幾爽口，除了有肉香更有脂香~寬巷子 (尖沙咀)尖沙咀廣東道3-27號海港城海運大廈地下OT G57號舖