叁不館

營業中

休息中

黃金魷魚：好少食到大大條既黃金魷魚，蛋黃味香濃,炸粉唔厚。啖啖既滿足，送啤酒一流。火鍋湯底：藥膳拼麻辣。藥膳湯底當歸味濃郁，亦都好多配料，奶白色既湯底 大大增加食慾。麻辣湯底就更加唔使講，色香味俱全。頂級牛頸脊：食牛肉最怕就係切到太薄，夾兩野就散。呢份牛頸脊厚度適中，有咬口。雪花文嘅脂肪分布，一睇就知質素如何。食落口亦都冇令人失望，牛肉味濃郁，亦都唔會有筋，食完一碟都感覺意猶未盡想食多碟。牛柏葉：份量適中，牛柏葉幾新鮮同爽口,配埋麻辣湯底簡直無得輸。墨魚滑： 拳頭咁大粒嘅墨魚滑，份量有返咁上下。食落亦都好彈牙有墨魚滑香，如果有埋墨汁版嘅更加好。響鈴：新鮮現炸，落水3秒就食得。一份有八條，份量算多。其他：叫咗啲蔬菜拼盤同薯粉同等等，正常發揮 無鑊氣。飲品：叫咗一Jar薏米水，解一解油膩，有檸檬味，唔會太甜，都幾好飲。總結：食物及湯底都10分講究，食材新鮮，份量亦都頗大。環境寬敞唔會太逼夾，鍾意懷舊但對食物質素有要求嘅你不妨一試。