潮藝館

營業中

休息中

新派潮洲菜一入餐廳有個bar枱同有張大枱起碼坐到十個人，空間好闊落，好適合朋友聚會。叫左個4人餐，個份量五人食都應該夠，好抵食😆前菜潮藝四小品份量都唔少！串茄核桃沙律、酒香凍鮑魚 、潮式炸粿肉同金磚豆腐，食完都飽咗三成🤣翡翠蟹肉羹，菠菜碎做底配蟹肉絲，仲配有粒肉餃仔。招牌滷水拼盤，有獅頭鵝、鵝腸同豆腐，滷得好入味😋好鍾意鵝腸咁爽口油絲縱炒蝦球🦐以為係唔鍾意食嗰啲三色豆，但食落似係豆芽，唔會粉粉既感覺👍🏻蝦新鮮彈牙！碧綠川椒雞🐔川椒汁好香好惹味好掛雞肉，雞肉本身鮮嫩，配埋紫菜多一重口感更豐富。鮮蟲草花濃湯菜苗🥬淨係見到湯底個色就知有幾足料，好濃郁，配埋鮮嫩嘅菜，清碟無難度😋潮式炒麵線🥢麵線爽身唔會一pat pat，配咗芽菜韭菜洋蔥食落多咗層次。甜品特色西瓜凍🍉一拎出嚟嘩左聲🤣因為真係好似西瓜，初頭以為係雪葩嘅口感，不過食落係啫喱+糕既口感。