影片
更多
2023-03-08
99 瀏覽
上個月生日，朋友仔話要帶我去「山YAMA」食Omakase🥳 雖然餐廳係新開，但係極高水準，擺盤賞心悅目，簡直係神級享受‼️ 師傅好有經驗，完全感受到佢地對食物﹑環境﹑服務既用心，令人回味不已，誠意推介❤️🔥餐廳裝潢行和風木系風格，簡潔明亮，以山林為主題，配合返餐廳名「山」，流露自然恬靜氣息。環境闊落，落地玻璃可以欣賞到銅鑼灣街景，好有空間感。用餐區域劃分為吧枱同座位區，想坐吧枱欣賞師傅功架既話記得book位時講定😉 店員仲帶左我地去室外露台參觀~ 有棵櫻花樹可以影相打卡，仲可以飽覽樓景同馬場景色，環境一流😍「山」晚市提供唔同主題既Omakase套餐：和牛﹑海鮮﹑魚﹑蟹，各有特色，價位由$1,088起。而「山之御膳」$1,888 更加係集百家之大成🥹 以尊貴上乘日本直送食材入饌，再以華麗精緻擺盤呈現，連餐碟/擺盤都同「山」有關聯🗻 盡顯心思！無論係味覺﹑視覺或嗅覺上都有全新體驗，極高質素！而午市比較經濟實惠~ 低至$368/$588就可以食到omakese，CP值高✅今次揀左「山之御膳」套餐，用餐時間大約2.5小時⏱♢ Appetizer | 日本產雲丹拼盤第一道菜出場就噴哂煙，打卡效果
餐廳裝潢行和風木系風格，簡潔明亮，以山林為主題，配合返餐廳名「山」，流露自然恬靜氣息。環境闊落，落地玻璃可以欣賞到銅鑼灣街景，好有空間感。用餐區域劃分為吧枱同座位區，想坐吧枱欣賞師傅功架既話記得book位時講定😉 店員仲帶左我地去室外露台參觀~ 有棵櫻花樹可以影相打卡，仲可以飽覽樓景同馬場景色，環境一流😍
「山」晚市提供唔同主題既Omakase套餐：和牛﹑海鮮﹑魚﹑蟹，各有特色，價位由$1,088起。而「山之御膳」$1,888 更加係集百家之大成🥹 以尊貴上乘日本直送食材入饌，再以華麗精緻擺盤呈現，連餐碟/擺盤都同「山」有關聯🗻 盡顯心思！無論係味覺﹑視覺或嗅覺上都有全新體驗，極高質素！而午市比較經濟實惠~ 低至$368/$588就可以食到omakese，CP值高✅
今次揀左「山之御膳」套餐，用餐時間大約2.5小時⏱
♢ Appetizer | 日本產雲丹拼盤
第一道菜出場就噴哂煙，打卡效果一流😍 海膽來自日本5個唔同地區：岩手﹑浜中町﹑根室﹑宮城﹑北方四島，全部都好新鮮，質感細膩，入口即溶。當中有些口味偏淡，有些偏濃郁，各有特色。
♢ Appetizer | 前菜三點
師傅將3款前菜放係一個木盒內，入面有砂石﹑紅葉裝飾，賞心悅目🥹
➊ 帆立貝 ‧ 炙燒過後香氣逼人，口感厚實又滑身，底下有片昆布頗脆口。
➋ 雲丹白明太子白蝦 ‧ 唔食生蠔可轉富山灣白蝦，質感綿滑，鮮甜爽口，帶有明太子味道。加上海膽﹑黑魚子，簡直多重享受！
➌ 北海道毛蟹 ‧ 完整一片蟹肉，真材實料！肉質飽滿而鮮嫩，內有檸檬啫喱提味，清新酸甜。
♢ Steamed Dish | 蝦夷鮑酒蒸
餐廳以清酒中既絕頂佳釀——十四代搭配鮑魚，誠意滿分💯 店員會用酒樽噴幾下sake係鮑魚上，散發清淡酒香。蝦夷鮑產自北海道，肉質飽滿，蒸煮過後入口軟腍，配上鮑肝醬﹑紫蘇葉，味道更上一層樓。而伴菜有寶塔椰菜花，加上日本食用花穗點綴，賣相精緻。
♢ Sashimi | 季節刺身五點
首3款刺身放係一個山景盤子上面🗻 用乾冰營造噴煙效果，好有意境！
➊ 帶子 ‧ 肉質飽滿，非常新鮮滑溜！加左珍貴既「雪之結晶」淡雪鹽調味，輕微提升帶子鮮味，建議唔洗再點豉油。
➋ 牡丹蝦 ‧ 蝦肉晶瑩剔透，口感細膩爽滑，鮮味十足。
➌ 鰤魚 ‧ 正值當造季節，比油甘魚味道更濃郁，油份更重。頂層係腩碎，以京蔥攪拌，中和腩位既油膩感，味道平衡得好好。
➍ 超拖羅/赤身 ‧ 先食超拖羅，油脂滿滿，入口即溶！而赤身放上手磨芝麻同蔥花，香氣四溢。
➎ 安拖羅 ‧ 微微炙燒後逼出豐富油脂，魚香濃郁，加左淡雪鹽﹑芥末調味，爽脆紫菜夾上紫蘇葉，中和拖羅油膩感，口感豐富！
♢ Pot Dish | 鱈場蟹亀甲鍋
食到中段黎一個湯物暖身，今次主角係「蟹中之王」——北海道鱈場蟹🦀 係帝王蟹中最優質﹑名貴既品種。完整一條蟹肉真材實料，肉質肥美飽滿，啖啖肉好滿足！店員介紹個湯係用左昆布加大量蟹殼熬製幾個鐘，湯頭看似清淡，但係蟹味好濃郁，味道夠鮮甜！除左蟹肉，仲有冬菇﹑草菇﹑紹菜包波菜卷，吸收湯汁精華後超正🤤 值得一讚既係湯物以明火上菜，更加用亀甲鍋(鋁鍋)盛載，保持溫熱，非常貼心！
♢ Sorbet | 季節雪葩
開始食壽司前以柚子雪葩清一清味蕾。雪葩質感綿滑細膩，散發淡淡自然柚子清香，唔會太甜，非常醒胃。
♢ Sushi | 精選寿司五貫
最鍾意壽司既環節🍣 望住師傅由切魚生﹑握壽司﹑調味每個步驟都認真製作。
➊ 油甘魚 ‧ 正值當造，新鮮爽口，加左新鮮紫菜﹑手磨芝麻調味。
➋ 深海池魚 ‧ 味道鮮甜，口感爽脆，魚味濃郁。
➌ 地金目鯛 ‧ 較多油份，炙燒過後逼出豐富油脂。
➍ 鮫鰈 ‧ 肉質細嫩，上面放左肥美既裙邊位，炙燒後充滿油香。
➎ 北寄貝 ‧ 來自北海道，加左青檸汁﹑柚子皮調味，口感爽脆清新。
♢ Main Dish | A4宮崎牛厚燒
店員捧住一大個黑色煲上菜，煲底放左大量日本禾稈草🌾 用火槍燒過後可以營造煙霧效果，非常夢幻！3件A4牛肉細緻軟腍，入口即溶，而且宮崎牛既味道係特別濃郁🥩 牛肉上加左自家製忌廉牛肝菌醬汁，再滲入禾稈草香氣後帶有煙燻味道。而配菜有蘆荀同西班牙串茄，燒過後同樣非常香口。
♢ Rice Dish | 特濃上海蟹拌後文稻亭
後文稻亭烏冬配上松葉蟹整成既芡汁，配上明火大閘蟹蟹粉，奢華程度認真誇張💫 烏冬比較幼身，口感煙韌，將蟹粉加到烏冬中撈勻，蟹味非常香濃，每條烏冬都掛滿芡汁，超正！餐廳另外附上意大利黑醋，有3款唔同甜酸程度可供選擇，隨個人喜好添加，不得不讚餐廳既專業同細心！
♢ Dessert | 和風雪糕拿破崙
最後一道菜，師傅即製甜品，親手唧cream👨🏻🍳 平時omakase既甜品多數都係雪糕，今次睇得出餐廳對食物既追求，堅持新鮮製作！拿破崙口感酥脆，中間夾左忌廉同椰子雪糕，富有層次感。整體口感清新，有助消濟。連甜品都咁用心製作，呢餐Omakase簡直完美😌👍🏻
餐廳服務值得一讚，成個過程都輕鬆愉快。師傅具備專業知識，功架十足，不時同我地交流，係師傅身上學到唔少知識~ 亦都睇得出師傅對日本菜既熱誠。另外店員上菜時都好細心講解，有問必答，真係了解過d食材，睇得出係well-trained。今次omakase體驗非常滿意，係好難忘既一餐生日飯🥰 絕對會再訪✅
張貼
