影片
更多
2024-04-03
16 瀏覽
每隔一段時間就要食下好西先對得住日日番工既自己，食得壽司多都想食下其他野，搵呀搵，搵左呢間高級鐵板燒。好，坐低睇下有咩好食先。特色二人餐幾好喎，咩都有，又唔使自己選揀困難。等食時，又可以偷望下師父功架！意大利花茶，淡淡茶香。煙三文魚沙律，先黎個頭盤開開胃。蟹肉海膽松露糖心蛋，上面有金萡，好矜貴，滑滑蛋配上海膽海鮮味，好夾！香煎生蠔，外面煎香，裡面仲係脹卜卜厚肉生蠔，加上櫻花蝦、乾蔥，又咸又香。孔雀鮑魚，先就咁食，食鮑魚既海水味，之後再點海苔醬，提升鮮味。右邊係鮑魚內臟，原來都食得架，可以夾埋紫蘇葉、三文魚子一齊食，好有口感。香煎鵝肝，鵝肝肥美，配青蘋果和醋汁，酸酸地中和鵝肝既油膩感。西班牙豬柳，豬柳好軟腍，炸蒜好有脆，好似食薯片咁。日本南瓜同大啡菇都好好味。刺身帶子豆腐鯛魚湯，奶白魚湯，好暖胃好有魚味。黑松露櫻花蝦炒飯，飯粒圓轆轆粒粒分明，又唔會油膩，炒得夠香夠乾身。雪葩，甜品有驚喜，真係原隻蘋果、椰子咁樣去present個雪葩，用料、心思都100分！
好，坐低睇下有咩好食先。特色二人餐幾好喎，咩都有，又唔使自己選揀困難。
等食時，又可以偷望下師父功架！
意大利花茶，淡淡茶香。
煙三文魚沙律，先黎個頭盤開開胃。
蟹肉海膽松露糖心蛋，上面有金萡，好矜貴，滑滑蛋配上海膽海鮮味，好夾！
香煎生蠔，外面煎香，裡面仲係脹卜卜厚肉生蠔，加上櫻花蝦、乾蔥，又咸又香。
孔雀鮑魚，先就咁食，食鮑魚既海水味，之後再點海苔醬，提升鮮味。
右邊係鮑魚內臟，原來都食得架，可以夾埋紫蘇葉、三文魚子一齊食，好有口感。
香煎鵝肝，鵝肝肥美，配青蘋果和醋汁，酸酸地中和鵝肝既油膩感。
西班牙豬柳，豬柳好軟腍，炸蒜好有脆，好似食薯片咁。日本南瓜同大啡菇都好好味。
刺身帶子豆腐鯛魚湯，奶白魚湯，好暖胃好有魚味。
黑松露櫻花蝦炒飯，飯粒圓轆轆粒粒分明，又唔會油膩，炒得夠香夠乾身。
雪葩，甜品有驚喜，真係原隻蘋果、椰子咁樣去present個雪葩，用料、心思都100分！
張貼
