彩福欣宴 (已結業)

喺荃灣彩福婚宴飲過喜酒，地方寬敞，裝修華麗。今次朋友約喺佐放敦嘅彩福酒樓嘆下午茶，入到大堂裝修同樣富麗堂皇，坐得都幾舒服。下午茶點心紙都好多選擇，其中有張是獲獎點心紙，梗係要落單。龍皇野菌腸$30 腸粉皮晶瑩夠薄，內裏野菌被粉皮包著，咬落口脆脆多汁美味。原隻鮑魚燒賣皇$35賣相幾矜貴，鮑魚腍滑，有肉汁鮮甜可口，賣燒賣彈牙。芝心海皇千絲春捲$33看得又好味，外皮炸得脆脆，春卷點上喼汁更提升口感，咬開啖啖芝士流入口胸，極美味。旋風黃金流沙包$30外皮軟熟，掰開個包啲黃金流沙慢慢流出，香滑好味，不過小朋友進食就要留心，免得流沙汁燙傷口唇。海皇太子餃$28太子餃賣相好精緻，有肉汁，啲皮就稍厚，尚算好食。黑松露小籠包$28小籠包多肉汁，黑松露味唔夠濃，啲皮能再薄會更加美味。北菇棉花雞$25好大碟有成三塊厚身嘅魚肚，雞件滑滑溜，冬菇爽而脆口，呢碟係俾一般酒樓嘅棉花雞更好吃。鮮茄肉鬆浸菜苗$44菜苗係畀濃濃上湯浸入，又有鮮茄粒粒酸甜，菜苗青綠爽脆好吃，值得一讚。再叫二客燕窩燉椰皇食落啖啖燕窩蓉，椰皇清香，又唔太甜，連內裏椰皇片都可以食埋，好完美。朋友話喺個咁靚環境，望住城堡慢慢嘆茶係一個享受。